شاعر يرثي نفسه

حسين جهيد الحافظ

الحوار المتمدن-العدد: 4082 - 2013 / 5 / 4 - 00:23
المحور: الادب والفن
    

نام خل ترتاح روحك
من مرار الحرگه واِهموم الگهاوي
ومن تعب عمرك گضيته
ما شفت فرحة شباب
كافي من اِچفوف تعبهه القلم
واِمصافح أوراق الجرايد والكتاب
اِسنينك اِيمرن حريمه
اِمعطره اِبريحة اِتراب
تحلم اِبوصلة اِقماش
يوم واِتخضر قميص
لو رحم وياك وكتك
مره واِتفصل اِثياب
ملت البالات منك
واِشكثر عانت عذاب
نام خل يرتاح اِسفلت الشوارع
من ثگل خطوات ضايع
نام خل يرتاح من تجواله جدمك
نام خل يرتاح متنك
من كثر ما شال همك
نام واِتراب اليحضنك
هلبت أرحم ..
من وكت مشروبه دمك
ومزته ا اليهواهه لحمك
نام يالاِرثك قصيده
ودفتر وورقة جريده
وكتب صفطه وقلم جااف
دوشك اِسفنج ومخده
وبس اِسم عندك اِلحاف
نام لا تخشى المحاكم
ولا أحكام اِبأثر رجعي
لأن ما يحتاج اِرثك
لا الى حجة وصايه
ولا الى قسام شرعي
نام خل الفراهيدي
اِبنومته يرتاح يوم
نام كافي اِمن الهموم
وكافي عمرك بحر لوم
واِنته تضحك ... !
رغم بيك الحسره دوم
نام بالهمك قضيه
وطول عمرك أبجديه
ويمشن اِسنينك سراب
نام خل ترتاح روحك
من مرار الحرگه
... واِتخوت الگهاوي
وحسرة اِهموم القصايد
والأصحاب
نام يالكلك
قصيده
وومضه
وورقه وكتاب

#حسين_جهيد_الحافظ (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات