گاع العراق

حسين جهيد الحافظ

الحوار المتمدن-العدد: 4078 - 2013 / 4 / 30 - 14:28
المحور: الادب والفن
    

گاع العراق
ما تمحل اِشما صار
ولا ييبس ضرعهه أم ضرع درار
طبع گاع العراق أسرار
اِشما أگصه الوكت بيهه
تطگ بالشوگ ولاّده
تطلگ بالظلام وتنتفض شمعه
اِو لو صار الفزع مريود
حيل بأول الفزعه
تلاوي الموت بچفوف الوفه اِتكطعه
لأن بيهه الوفه عاده
تطگ الشوگ ولاّده
الشمس بيهه شمس واليل أجمل ليل
الگمر زفة عرس... هلهوله واِمواويل
اِمن الظلمه تخلق ضوه
تشد الحيل لأهل الحيل
اِو ما بين حلوات النجم غاده
تطگ اِبزود ولاّده
أم الخير دجله وأم فرات الطيب
أم اِتراب مرهم للجروح اِتطيب
يا محنه وشوك واِحبيبه وحبيب
طيب حنيه اِو اِراده
تطگ بالخيرولاّده
يا جرة كحل بعيون الاِمحبين
وبعيون اليضد اِسهام
يا أعذب لحن عالعود
عد زرياب بالألهام
التاريخ يشهد الهه والأيام
طرزهه الواسطي بعيون بغداده
تطگ اِبزود ولاّده
الوفه منهه.. وبيهه اِبكل كتر رايه
باركهه الزمان ورغم عالأيام
علامات التبرك بيهه اٍهوايه
من دم الحسين الراية العبّاس
ومن سجن الامام النور الاٍولايه
چذب من كال عاچر يوم
تطگ رغم العسر والظيم ولاّده

#حسين_جهيد_الحافظ (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات