قِسْمَه

ميسون نعيم الرومي

الحوار المتمدن-العدد: 4060 - 2013 / 4 / 12 - 11:43
المحور: الادب والفن

قـِـــسْـــمـَـه
ميسون نعيم الرومي

مصيبتنه مصيبه واصبحت قسمه ـ ابو اكلاش اليچـِدْ ياكل ابو الچـَزْمـَه
حـتـى الـبـَحـــَرْ حـِصـّه إلــَه
مـنْ الـجـِثــَثْ نـِصـّه امـْتـِلـَه
واحــِدْنـَه ضـَيـَعْ نـِصْ هـَلـَه
نِصْ لـَنـْدن شـِراه.. وافرنسَه هاليـَمّه ـ ابو اكلاش اليچد ياكل ابو الچزمه
-------------------------
أَسـِألـَه عَ الصارْ او جـِرَه
للشـَـعـَبْ لـيـش امـدَمـره؟
بــولْ الـبـِعـيـرْ او لـِيـوَره؟
تـَأخـّرْ .. عَ الـجـَهل هالناسْ مـِلـْتـَمّه ـ ابواكلاش اليچد ياكل ابو الچزمه
-----------------------
لا تـِحـْچـي كافي تـِبتـلي
إيـِسـاعـدك الله او عـَـلي
أرمـَلـَه او مـاعـِنـدچ وَلي
حصتنه العظام او أَكلواللحمه ـ ابو اكلاش اليچد ياكل ابو الچزمه
-----------------------
الموت صايرعــادي
بغداد نـُصـّه امجادي
هلهوله جانه الحادي
افسيفس تشوفه او يفتخر بسمه ـ ابو اكلاش اليچد ياكل ابو الچزمه
---------------------------
طشـّار صرنه ابكل كتر
خل تفرح الساسَـه الغبر
يا ويـل تالـيـت العـُمــُر
ليلونه تطشر ....يگدر ايلمـّه ؟ ـ ابو اكلاش اليچد ياكل ابو الچزمه
---------------------------
اسـْبـُوع كـلـّـك دامِـــي
عَ الكرسي لازگ سامي
بغــداد اغـْـفي اونــامِـي
يانوم العوافي الينتظر رحمـَه ـ ابو اكلاش اليچد ياكل ابو الچزمه
------------------------------
الواسِـطه تـِتــْـلف تـلـف
بيهه الچذب بيهه البلف
مگـــرود يالمالك عِـرف
عد بزون ودع هالشعب شحمه ـ ابو اكلاش اليچد ياكل ابو الچزمه
-----------------------------
لـِيغـاد اوگـف لـيـغــاد
لاتـنقـصف كالمعـْتـاد
من هالوضع صحنـَه الداد
يارب الفرج.. والفرج بيه رحمه ـ ابو اكلاش اليچد ياكل ابو الچزمه
------------------------------
دخـّان وامـْصخـْم السمـَه
كل نسمـَه منـّه امسَـمّـمـَه
حــادينه يا حامي الحِـمـَه
يالدغة العگرب والغـدر سمه ـ ابو اكلاش اليچد ياكل ابو الچزمه

هـَجرونه ! چـا وين انـروح
والــْرّوح مــَـلـْيانـَـه اجـْروح
عِــفــْـنـَه البلد كِــلـّه ايـْـنـوح
نوح القوس نوحي وانكِسَر سهمه ـ ابو اكلاش اليچد ياكل ابو الچزمه
----------------------------------
ستوكهولم
نـيـســــان / 2013

#ميسون_نعيم_الرومي (هاشتاغ)

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات