عودة الشيخ الى صباه

جواد القابجي

الحوار المتمدن-العدد: 4050 - 2013 / 4 / 2 - 13:30
المحور: الادب والفن
    

في مولد الحزب الشيوعي العراقي
**********
أبوذيَّه
*****
سبع وسهام غدرك ما ++ يلنّك
الرفاق گلوبهم بالحُب ++ يلنّك
نزيه او ياهو ميعرفك ++ يلنَّك
شـــــــــــــــــهم واگف ابوجه العنصريه
**************
من حُبَّك جره بعضاي ++ شريان
اشما تامر انا بخدمتك ++ شريان
اوكلما من طغاة العصر ++ شريان
اصبر لَحَد ما تدنه المنيَّه
*************
أحبَّك وشتريد اتگول ++ ورضه
إنتَ الوطن إنتَ اسماه ++ ورضه
والعادوك كلهم حشّر ++ ورضه
او جمع أمراض وسخه او جاهليَّه
**************
ابحُبَّك أخـذت الوادم ++ سهمها
اوروحي إلك منذوره ++ سهمها
إلرموك ابكل خُبُث إنظر++ سهمها
عليها ارتد وخسرت كل قضيَّه
****************
جرح البينه من طيبه ++ بسمنه
وَبَدْ ما يوم فرَّطنه ++ بسمنه
السِنُبْله الفارغه تعله ++ بسمنه
والتِحني ابتواضع .. خير هيَّه
*********************
شباب اتعود إلنه شهم ++ بلعيد
ولانحسب سنين المُضن ++ بلعيد
أمس منّا شهيد انغدر ++ بلعيد
دفاعاً عن حقوق التونسيَّه
************
أبد گلبی الحزب غيرك ++ ولامال
صبور اشما ظلم يحصل ++ ولامال
إنتَ ابوجه كل طاغي ++ ولامال
تحقق حلم كل البشريَّه
***************************
القصيدة
*******
نِحبَّك ليش ونضحِّيلك الروح ؟
لأنك عايش ابكل گلب مجروح
*************
یاصرح المحبَّه او عالي الشان
ياواحة ورد يا أحله بستان
يالبيك انجمع كل معنى الإنسان
نِذر ويّاك .. كلنه وين متروح
**************
نحلف بيك يا عزنه او فخرنا
يا جسر المحبَّه الشّد عزمنه
يالبمحبِّتك نبني وطنَّه
ياتاريخ حي او تشهد الســــــــــوح
**********
يا درع الفقير او أبو الغيره
يا رمز او عدوَّك بَلِف حيره
ميلادك ورد ونشم عبيره
وشموعك نجم فوگ السمه اتلوح
*****************************
[email protected]

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات