|
نص قصيدة سوق النخاسة للفنانة السورية العظيمة رغدة
ديانا أحمد
الحوار المتمدن-العدد: 4043 - 2013 / 3 / 26 - 13:19
المحور:
الادب والفن
قبل القصيدة تقول ديانا أحمد : لعن الله قوما ضاع الحق بينهم ، مثقفين ونخبة مصرية وحتى وائل إبراشى يضفى على مؤامرة الربيع الاخوانوسلفى المجرم فى مصر وسوريا وليبيا وتونس صفة ثورات شعبية وهذا قول زور وبهتان وهم يعلمون أنهم يكذبون .. ولعن الله مثقفى مصر الذين يؤيدون أخونة ومسلفة مصر وسوريا تحت إدعاء أنها ثورات .. إنه ربيع هولاكو الاخوانوسلفى القطرى السعودى الأردنى اللبنانى التركى الأوبامى الأطلسى القذر المجرم الظلامى التكفيرى ولا يمت بصلة لكلمة ثورات أو صفة ثورات على الإطلاق .. ولعن الله صحفا وصحفيين مصريين جبنوا عن نشر قصيدة رغدة كاملة ومكتوبة فى صحفهم .. وها أنا أنشرها بمجهودى الذاتى والسماعى وهى شبه كاملة .. حتى يتشجع الجبناء وينشروا القصيدة كاملة فى صحفهم المصرية
النص الكامل لقصيدة سوق النخاسة
القصيدة التى ألقتها رغدة فى دار الأوبرا المصرية يوم 21/3/2013
تقول رغدة : سوق النخاسة أنا كتبتها لما نزل اعلان فى جوامعك يا مصر من بعض الجبهات السلفية لبيع - أنا ما أقدرش أقول عنه غير بيع - البنات السوريات ويدللوا عليهم عشان يحرروهم يعنى فطبعا أنا رحت صورت الاعلان ده وحد كاتب استر على أختك السورية أو للبيع .. دول مش سوريات ولا يمتوا لشئ اسمه بنات سوريات . حبيت أقول بقى اتضايقت اتخنقت وكتبتها ، كتبتها فى ساعة ونص ، يمكن يكون فيها أخطاء ، أول تجربة ليا بالعامية بس بحاول . استحملوا الفجاجة اللى فيها . ممكن ؟
النص :
سوق النخاسة فتح ..
واللى كان مستور اتفضح
والجرح اللى كان غارز فى صمته وصراخه اندبح
وقبل ما يصفى نزيفه قبره انفتح
سوق النخاسة فتح
ألا أونة ألا دوا
ومفيش تريه دليفرى فيه
كومبو سبايسى وفريدوم وفرى
ويالا قرب عندنا زهر ربيع
براعم صبايا والنوايا سترهم واجب يا مسلم
يا اللى لرسولك ولربك مطيع
عندنا لحم البغايا ولا السبايا
من صباع الرجل للسوة
مين يشتريه أو يستره
من الخطف ولا القتل
وسفاحه يحرره
وجاهد يا مجاهد فى المزاد
واشترى بصمت ريالاتك ولاد
والشيكل سيبه يبرطع فى قدسه
قدس الله سرك وسر قدسه
منك لله يا ابن أمى
مكفاكشى بعت أرضك
بفتوى لشيخ جهلك خنت أمك
النهارده جيت لمصر تبيع فى عرضك
سوق نخاستك هنا بيصرخ فى عرضك فى عرضك
لحمهم كان بض أصيل مستور دفيان
غفى فوق كتافك صبح عريان
كان وكان وياما كان .. كان فيه ولد عشقان تراب أمه بهية
مصر الصبية
والبنية صاحبته كانت غزية من بنى النضير وقينقاع
ومن زمان كانت بتحفر نفق خيانته وبتزرعه نعناع
فى شريان قلب ابن عمه اللى ساكن قلب سوريا
وأما استوى كاسه وسِكِر
بوحى الحورية فى الجنان
غابت عن جحيم الأرض فلسطين القضية
ولسه
ولسه ياما هينكشف
من ريح فى مؤخرة عربان
هبت على وشوش الغلابة
افتكروها مسك النبى
وهات يا صلاة ليهم بدون حسبان
انت انت أيوه انت يا اللى هناك يا اللى ريقك بيجرى هناك .. تعالى قرب
فى جيبك كام يوقفوا .. وتبقوا نسايب
رصوا الصفوف يا ولية عشان البيه اللى هناك أبو جلابية
وشبشب زنوبة وطاقية عم سام الخفية
إلهى يا بعيد يخفيك فى ليلة ويوم دى من عندى جملة اعتراضية
سوق النخاسة ابتهج
اتفضل يا حاج
الحاج طاف وحج فى كعبة شيخ الوهابية
وانت يا اللى هناك .. نسوان قرب تعال دوق وجرب
عرقسوس منه فيه دوده
واللى ما جريش فى عرق وريده دم جدوده يقول فيتو حمرا
سوق النخاسة اكتمل واستوى
فيه النهارده الحمصية بس فيها طعم خليجى
ملوخية بورانى أيوه بس فيها خل تركى
ومحمرة مقطرة تقطير
وغدير فى دوحة برية
هى دى بقى الطشة والتقلية
وكله فى النهاية تحصيل لحاصل
طبيخ أمريكانى فوق بوتاجازك يا مصر
يا اللى كنتى بهية
سوق النخاسة فتحناه بعد صلاة العشا
ومفيهوش تراويح ولا تنقية
يالا يا عم بجاروف (...ربما زميلك) الواطى فى سجوده
اكبش اجرف جرف حرف
وش القفص لحمة نية
وتحته كبة شامية وشركسية وحراق اصبعه عند البنية
وخد عندك كمان لبنية من صدر أمها ..
واللى كانت فى يوم غزية وإياك تقول عنها سورية
وشركسية .. إيه بقى مين فيكم يا واد السندباد عايز يطير
ويسرح ببساطه فى أحسن التكوين
إيه يا شيخنا يا اللى فضل شيخ خليجك فوق رؤوسنا
وبول بعيرك شفا لنفوسنا
خش بمداسك فى المزاد بقلب جامد ما يهمكشى روسنا
اهدى وصلى ركعتين استخارة .. انت بس قول آمين
لأ متسألش الشقرا ولا السمرا وانتى مين
فوق لحافها المرقع بعارها وعار أبوها ولا أخوها
ولا أقول لك أنا ابن عاهرة ما يهمنيش هو مين
مد يا راجل مد رجليك الاتنين
ما احنا فى يوم الاتنين
ده يوم مبارك من رسولك
بس لو تقول لنا هو مين
البت عينها مكسورة مش هتعلى فوق حواجبك
وبعدين عاشرها يوم ولا اتنين
وإن كحت معاك الحَمَدين فى ضَهرك
ومعاه خدام أوباما والحرمين
قرشهم فى جيبك داعى لك
مش باقول لك يوم مبارك
هو كده دايما يوم الاتنين
سوق النخاسة فتحناه هنا وهناك
هناك وهنا فتحناه
السوق فى النهاية بيع وشرا
وأهو كله سلف ودين ..
والبكارة عندنا ضمانها وفى السليم
كان متأمن عليها فى بلدها أحسن التأمين
بس طمع فيها اللى سابها وقال يا لحم فى غربته مين يشترى
وآه آه يا بلد جدى وأبو أمى فداكم روحى ولا كنتش أشوف يوم زى ده بننى العين
هترجع وتسأل أبو البنية هو مين
لو قلتها تانى هابجح وأقول لك هو انت أصلا ابن مين
ما احنا دافنينه سوا ومطمنين
ومع ذلك هاقول لك وكله فى الآخر سلف ودين ....
وأهو كله سلف ودين
شوف يا سيدى
أبوها مش أبوها
وأخوها تيس معرص مفلس
ونفسه فى تمن لحمها يحلى زبيبته فى عز الشتا بتين
انت بس كبر دماغك وانت بتدبح لها القطة بتكبير
إيه مالك متبصليش بعين ردية شوف هتدفع بدمها الدية لمين
ومالهاش هنا كبير
وباعك وباع دراعك ياما دبح قبلها غزلان كانت مطمنة ورقاب مؤمنة
وسكينك باردة .. باردة زى تلج قلبك
تدبح وتصرخ .. الله أكبر .. عليك الله أكبر
تانى هتسأل مين أمها
متقلقش يا عم زيها قطة بس إيه قطة حرة
مبتاكلشى ولادها إلا بحنية صداغها .. لا وإيه
كسرت قيودها .. واتمردت على خناقها ..
وقديم مثلها قال إيه
تجوع الحرة ولا تأكل بثدييها
هأ هأ هأو أو .. آه يا عالم واطى .. آه يا قطط ساقطة .. شتان كبير . تعتير كتير
شتان بين قطط تاكل وتنكر
وبين أسود تزأر وتدمر غيلان وديابة
غيلان فى غابة
تكش الديابة عن الغلابة اللى ملهمش غير الضمير
وقطط كل همها تقلع هدومها فى عز برد فبراير عشان تنام
سوق النخاسة بقى فى الجوامع .. إيه الموانع
والكراسى ممكن فى عهد مرسى تبقى صوامع
والحاج شاطر والعريان وعاكف وكله إلا عاكف عامل جوامع
ما بيعتكفش صبيانه إلا بره الجوامع
نفسهم حقهم فيما ملكت يمينهم تجامع ولو فى الجوامع
وإن ما جامعشى باعلان فى الجوامع .. هيبقى ده حرام ومانع
حرمت علينا عيشتهم .. وحرمت علينا إحنا الشعب دى الجوامع
سوق النخاسة افتتحه سلفى فى عين دينه حَوَل
والحَوَر سابه لحور العين فى الجنة
شرط دلالها تشاركه نعيمها لو يقطع بسيف سنى وريد شيعى ويكون من نسل الحسين
دمع الحزن ملحه جف ونشف .. من اللى كان اسمه وسطى زى ننى العين فى المنتصف
ولسه بيقولك سلف .. ما خلاص .. بانت لبته وانكشف
فنيس تعيس وشيخ تدليس .. يلف فى أسواق النخاسة يشترى دناسة
ومالوش حساب عندنا غير التجريس
وكله بتسعيرة .. فيه منهم والله يبيعك أبو هريرة وستنا عيشة
إيه يا جماعة هى دى عيشة ! ما هى تربية بنى قريظة خسيس
والشعب مش عارفة ماله .. مسطول ولا جعانة
ولا واخد بانجو أمريكانى مغشوش ولا متوول
قسمونا فصلونا خونونا وإشى يقولك شبيح وإشى يقولك بلطجى وفلول
إيه يا أم الدنيا مالك كان مال الأعراب ومالك
هو فيه غيرهم شوه جمالك
إيه يا بهية يا اللى كنتى فى عز ناصر كده شهية
وعمرك ما كنتى غزية إلا بعده ورقصوكى ع الصوابع
إزاى يا مصر عَلَم نهارك يأنجج علم انتداب
كان فى يوم كرباج فرنسا فوق ضهر أختك .. وكان السوالفة
إزاى تخلى سوء البهايم والعلوج والنعاج يفتحوا فيكى سوق النخاسة إزاى
إزاى تخلى سوق النخاسة للحم شقيقتك ينهشوا فيه الديابة
إزاى يا مصر
إزاى تسيبى شباكك مفتوح على مصراعيه ينط منه حرامى بدقن وزبيبة
بس قرآنه مفضوح
يسلخ لحمك عن جلودك عن جدودك
وحرير سجادك يتفرش فى الآخر .. لمين .
لمسيلمة الكداب
#ديانا_أحمد (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
الكاتب-ة لايسمح
بالتعليق على هذا
الموضوع
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
مقارنة بين اغتيال صدام حسين واغتيال القذافى ، لفهم الغزو الأ
...
-
وصف مجموعاتى الممتازة على الفيسبوك
-
يطلبون من الجيش المصرى خلع الاخوان والسلفيين الذين نصبهم بيد
...
-
ملخص كتاب (مادة التربية القومية الاشتراكية) للبكالوريا - للث
...
-
يسقط الفتح الإسلامى الثانى المسمى الربيع العربى وتحيا الجمهو
...
-
محمد مرسى باق فى الرئاسة حتى 2016، فمن شاء فليصدقنى ومن شاء
...
-
البنادق والعيون السود .. رسالة إلى صديقة مجندة --- فى رحاب ا
...
-
البنادق والعيون السود .. رسالة من صديقة مجندة --- فى رحاب ال
...
-
السجل الأسود للمشير محمد حسين طنطاوى
-
قصة الكاتب ابراهيم الوردانى ومى الصغيرة
-
بطلات التنس فى بطولة كندا المفتوحة عبر التاريخ
-
الإخوان “المسلمون” فى سوريا نشأة مشبوهة و تاريخ أسود ، بمناس
...
-
نص الدساتير الإسلامية الخمسة الشهيرة
-
البطلات الأولمبيات فى أولمبياد لندن لعام ألفين واثنى عشر
-
تتمة لمقالنا عن ذكور الكيان السعودى والخليج والإخوان والسلفي
...
-
حقائق من الويكبيديا الإنجليزية ومنى عن الربيع العربى المزعوم
...
-
حمامتك يا مرسى
-
ذكور الكيان السعودى والخليج وذكور الاخوان والسلفيين وطمعهم ف
...
-
متى نقبل فيلم براءة المسلمين ومتى نرفضه ؟
-
رسالتى إلى شيخ الأزهر بمناسبة بيانه الاخوانوسلفى الذى وجهه ل
...
المزيد.....
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
-
بعد 7 سنوات من عرض الجزء الأخير.. -فضائي- يعود بفيلم -رومولو
...
-
-الملحد- يثير الجدل في مصر ومنتج الفيلم يؤكد عرضه بنهاية الش
...
-
رسميًا إلغاء مواد بالثانوية العامة النظام الجديد 2024-2025 .
...
-
مسرح -ماريينسكي- في بطرسبورغ يستضيف -أصداء بلاد فارس-
-
“الجامعات العراقية” معدلات القبول 2024 في العراق العلمي والأ
...
-
175 مدرس لتدريس اللغة الصينية في المدارس السعودية
-
عبر استهداف 6 آلاف موقع أثري.. هكذا تخطط إسرائيل لسلب الفلسط
...
المزيد.....
-
في شعاب المصهرات شعر كتاب كامل
/ كاظم حسن سعيد
-
(مجوهرات روحية ) قصائد كتاب كامل
/ كاظم حسن سعيد
-
كتاب نظرة للامام مذكرات ج1
/ كاظم حسن سعيد
-
البصرة: رحلة استكشاف ج1 كتاب كامل
/ كاظم حسن سعيد
-
صليب باخوس العاشق
/ ياسر يونس
-
الكل يصفق للسلطان
/ ياسر يونس
-
ليالي شهرزاد
/ ياسر يونس
-
ترجمة مختارات من ديوان أزهار الشر للشاعر الفرنسي بودلير
/ ياسر يونس
-
زهور من بساتين الشِّعر الفرنسي
/ ياسر يونس
-
رسالةإ لى امرأة
/ ياسر يونس
المزيد.....
|