كل واحد يگول وآنه شَعلَيه - نايم ياشعب والذبح يوميّه

ميسون نعيم الرومي

الحوار المتمدن-العدد: 4035 - 2013 / 3 / 18 - 23:36
المحور: الادب والفن
    

كل واحد يگول وآنه شَعلـَيه - نايم ياشعب والذبح يوميـّه

ميسون نعيم الرومي

حكـومـَه والـْـنـعـم والـبـرلـَمانـيـه
ما نـعـْرف مـَصيـر الـوَطن تالـيـّه
نـهـّبـوه الـعـِراق ! انـْهــدمْ چـالـيـّه
كـُل واحـد يگول اوآنـه شّـعلـَيّه - نايم ياشعب والذبح يوميـّه
*************
مـَجْـلسـنا الموقـَر كـَهـرَبَــه مـامــشْ
وايـَرْ شبـگ وايــَر صارَت امكـامـَش
گـاعـدْ بَـسْ يـشـيـلْ الأيــد وايـهـامش
ادعــيـلـَك ابـنـَتـْلـَه كـَهـْرَبـائـيـه – نـايـم يـاشعب والذَبـْح يـوميـّه
**************
بـَغـداد اغـْرگَتْ من مـَطره ياويلي
ماكـو كـلْ مـَجاري وانـهدم حيـَلي
مـو كافي لغف ! والبوگ تـَعـليلي
كـونْ الله أَخذكم يالحراميه – نايـمْ ياشـَعبْ والذبـحْ يـوميـّه
**************
دار اودور ماكو بـَعـَد بـَسْ لـَطماتْ
نص شـّعبْ العِراق او لابس العمـّات
نـايـْبـنـه يـصـَوتْ شــايـــلْ الـرايـات
يـَبو الشارات لـَطـْمـَه ابأثر لـَطـميـه - نايم ياشـَعبْ والذبحْ يوميـّه
****************
يا عـيـني المـَدارس جـَنـّة الـطـالبْ
مـاكـو كـُل مـَرافـق والوَجه شاحـبْ
تـْساوَه الـلطم عدهم موجب اوسالـب
خـَلــوّ كـُل أَخـو يـحـفـرْ گـَبــرْ خـَيـّه ـ نايم ياشـَعبْ والذبحْ يوميـّه
*****************
رجـَعـْنـه عَ الجـْمـَل صايرعلاج البولْ
ايـحَـمـّل بالذهـَبْ ضـَلْ ياكلْ العاگـول
نايـْبـنه جعْـيـدَه ايـمصمص المصقـول
دولار اوْيــغـْصْ والصـَفـقـَه نـسـبـيـه – نـايـم يـاشـَـعـَبْ والـذَبـحْ يـومـيـَّه
****************
نستـَوردْ الـكـاشــفْ طـلعْ فـاشـوشـيْ
تـَفـجيـراتْ صارَت وانـهـدمْ حـوشـي
لـفْحـوه الـتـَمـرْ خـَل آكـلْ ابـْطـوشـي
حـْرگـوه النـَخـَل والـسـَعـْفـَه نـاريـّـه - نـايـم يـاشـَـعـَبْ والـذَبـحْ يـومـيـَه
******************
جيـشْ او يـردَحْ او يـرگص اعله الموته
والـمـَيـت عـراقـي احـْـتـرگْ تـابــوتــه
گـمـَرنـَه لـلأسـَف هـَالــبـلعـَتـه الحـوتـه
والـحوتــَه الأجـَت شـَرقـيـة غـَربــيـه - نـايـم يـاشـَـعـَبْ والـذَبـحْ يــومـيـَه
****************
وزيـــر اومستـَشـاره نـاس أُمــيـّه
احـدَيـده اعـلـَه طـَنـطـَل مـنـهو واليـّه
خـَروعـَة الخـضـره او نـْسـَه مـاضـيـّه
دكـتــورا ابــمـاي الــذَهــَب مـَطـلــيـّه - نـايـم يـاشـَـعـَبْ والـذَبـحْ يــومـيـَه
******************
يـا شـَحـمْ الـتأمـْنـَه اشـلـون عـد بـَزونْ ؟
قـَرارات الـعـَدل وافـنـونْ بـيـه افـنـون
يـا عــيـني الـمـَحـاكـمْ كـُلـه عَ الـقـانـون
مـَسـْجـون الـعـراقـي اوْولـدَه مـَسـبـيـّه - نـايـم يـاشـَـعـَبْ والـذَبـحْ يــومـيـَه
********************
نـايـْب بـالـلغـه هـَل يـكـتـْب او يـشـْعـَرْ
مـاخـذهـه ســريـده بـالـمـَدحْ يــفـخـَـرْ
ايـذمْ بـالـشـَعـَبْ ؟ مـَغـرورْ مـا يـگـْـدَرْ
ابـشـِــعـْرَه زَحـْـفْ خـَرْبــَطْ قــَوافـيـه - نـايـم يـاشـَـعـَبْ والـذَبـحْ يــومـيـَه
******************
لا حـَــوْلَه يـَــرَبـّــي ولا أَبــَــدْ قــــوّه
رجــَعـنـه عـلى الـعـوذْ اوجـوزة الـبـَوّه
هـَالْيـعـصـر ابـروحـه اتـْشـوفـَه يـتـلـَوه
يـتـجـَوَل اويـمـشي ابْـنـَصـبـَه عـاريـه - نـايـم يـاشـَـعـَبْ والـذَبـحْ يــومـيـَه
****************
آذار / 2013
سـتـوكـهـولـم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات