كيف يفكر الملتحون- حوار واقعى

بيشوى ريمون

الحوار المتمدن-العدد: 4005 - 2013 / 2 / 16 - 12:57
المحور: مواضيع وابحاث سياسية
    

المشهد نهار خارجى..مكتبة متواضعة فى الزيتون تعرض منتجاتها من هدايا عيد الدعارة المسمى بالفلانتين
الابطال انا رايح الف هدية الفلانتين و شيخ ملتحى و الشاب صاحب المكتبة و صديق له
الشيخ: يعنى احنا فضلنا التمنتاشر يوم بتوع الثورة مطلعش لفظ واحد قليل الادب على مبارك,,يقوم شوية العيال دول يشتموا فى الريس مرسى كده؟
انا : مين قالك كده يا شيخ؟ انا واحد من الناس اللى شتمت فى مبارك لحد ما جالىالتهاب فى الزور من كتر الشتيمة؟
الشيخ: بقولك محدش شتم؟ انا مشتمتش
انا: و الله انت راجل محترم و مش بتشتم..انما انا مش محترم و بشتم و بعدين متعممش ..مكتتكلمش الا على نفسك
الشيخ:طيب و مش عيب تشتم؟ شتمت مبارك ليه؟
انا ضاحكاً: واحد بيقتل اخوانا فى الميدان و مش عايزنى اشتم؟
عشان كده انا شتمت مبارك و بشتم فى مرسى
الشيخ: و تشتم مرسى ليه هو مرسى قتل حد؟
انا ضاحكاً مرة اخرى: انت تعرف مبارك اتحكم عليه بالسجن؟ عشان لن يصدر امراً بوقف قتل المتظاهرين ,يعنى مرسى ده المفروض يبقى مكانه السجن دلوقتى
الشيخ: ماهو مرسى اصدر امر لوزير الداخلية بعدم التعرض للمتظاهرين بس الوزير هو اللى مش بيسمع الكلام (و الله قال كده فعلا)
انا و الضحكات تكاد ان تفشخنى فشخاً : يبقى رئيس بقرون ولا مؤاخذة يا حج (و اشرت باصابعى حول رأسى ممثلاً وضع القرون)
الشيخ مستطرداً: و بعدين هو اصلاً حد حصل ليه حاجة؟ ماهو محمد كريستى خبطته عربية و حمادة هو اللى قلع هدومه بنفسه
انا : و خالد سعيد هو اللى بلع لفافة البانجو و شهداء الميدان ماتوا من ضربة شمس
الشيخ:شكلك بتتريق..
انا :معاذ الله
الشيخ:على فكرة انا مش اشهر الناس اللى كنت فى الثورة و مشهور جداً هناك
انا:على فكرة انا اول مرة اشوفك اصلاً (ضحكات شيطانية رقيعة)
الشيخ و الشرار يبدو علي وجهه:انت نزلت الثورة اصلاً ؟ (و كان الثورة مكان للترفيه)
انا: ايوه و من اليوم الاول كمان , (و امعاناً فى الغيظ) و عمرى ما شوفتك ولا حتى لمحتك هناك , ثم يا حج اللى عامل فيها ثورجى مش بيقول كده و يتباهى قدام الناس و كأنها مسابقة,مشاركتك فى الثورة كأنك بتعمل خير لامك المريضة..مش محتاج كل شوية انك تتباهى قدام الناس انك بتساعد أمك العيانة
الشيخ و الغضب يبدو جلياً على وجهه: انت فاكرنى واحد اي كلام؟ على فكرة انا ثورجى و من 7 سنين
انا : و انا كمان
الشيخ :وعلى فكرة انا مهندس
انا: و انا كمان
الشيخ و قد بدأ يفقد اعصابه: قولى عملت ايه قبل الثورة؟
انا ضاحكاً: انضميت لحركة كفاية 2005 و بعدها 6 أبريل و بالنسبة للاحزاب بدأت مع الجبهة الديموقراطية ثم الغد ثم المصريين الاحرار ثم الدستور
الشيخ:بتاع البرادعى؟ الراجل ده مش كويس على فكرة و هيودى مصر فى داهية
انا و قد تحول الحديث الى ما يشبه الردح بين السيدات العجائز:عاجبنى و بحبه ..و أحسن من المرشد بتاعكوا
هنا عاجله صاحب المحل بقوله:مرسى ابن كلب و اوسخ من مبارك,,و من فضلك يا حج هنا مكان أكل عيش ,عايزين نشتغل

الملخص

انهم عالم مجانين مصدقين بجد ان حمادة قلع لوحده و ان كريسى خبطته عربية و ان مرسى هو سادس الخلفاء الراشدين

و اننا عالم مجانين مصدقين اننا عملنا ثورة و مستنين الخير يجى بكره

#بيشوى_ريمون (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات