رشا أرنست
(Rasha Ernest)
الحوار المتمدن-العدد: 3917 - 2012 / 11 / 20 - 01:45
المحور:
الادب والفن
ماتستغربوش لما تضيع الحقيقة
وتختفي جوه متاهة من التصاريح
كتر كلامهم مش دليل شجاعة
ولا علامة على رأي صريح
حكموا وبيحكموا وهايحكموا
اصل حكمهم كله بالتسبيح
وطول ما في مين يسبح
عمر الحكم ما ينتهي مع هبة ريح
والثورة ريح عاتية يعرفها القلب الجريح
اللي داق الظلم واتسقى منه
علشان لقمة عيش
اللي قادر يضحى بعمره لأجل وطنه يعيش
اللي على صوته وقال حرية
قبل ما يطلعوا علينا الدراويش
اشهد يا وطن الأحرار
إن موتي كان لمصر نهار
صَبح بصوتي حرية
وأتمسى بـ دمي انهار
اشهد يا وطن انى في الميدان
صرخت عيش.. حرية واتمنيت العدالة
ورويت بدمي شوارع وأركان
وافتكر يا وطن أن للتحرير حكاية
هاتفضل لكل زمان
في ماسبيرو
ومحمد محمود
علشانك يا مصر رخصت الموت
الذكرى الاولى لشهداء محمد محمود - مصر
#رشا_أرنست (هاشتاغ)
Rasha_Ernest#
كيف تدعم-ين الحوار المتمدن واليسار والعلمانية
على الانترنت؟