عراكََََََية وسلوته الدمعة - شعر شعبي عراقي

كامل السعدون

الحوار المتمدن-العدد: 1128 - 2005 / 3 / 5 - 10:29
المحور: الادب والفن
    

إهداء إلى سيداتنا اللواتي فتحن بوابات التاريخ للغد الديموقراطي الجميل

لكّ ذيج آنهْ ....
لجانت بس سلوته الدمعه.....
تجفن موته ...
تغسل موته...
تستقبل موته ....وميته...
البلداخل منسي....
مجهول ومحد له يوعه...
لكّ ذيج آنهْ...
الجانت بس عيون ترابي...
لسان محنطّ...
جثمان محنطْ بالأسود...
من راسي لحد ذيل ثيابي...
هلهولة بصدري ومكتومه...
جفوفي محنايه ومضمومه....
تخاف تأشر ...
لا تلكفه ...
سيوف الكصابه المثلومه...
مهظومه * وراس العباس *....
ومحد يدري شكد مهظومه ...
لك ذيج آنه...
الجانت ماكوله ومذمومه ...
محسوبه إنسانه ومعدوده ..
.........انفاسي عليه ...
ولو يوم أحجي ...
كالوا تكرم ...هاي مريه ...
منقوصة دين وعقليه ...
وجانه الموعد ...
هبيت أرعد ..
شديت حزامي من الغبشه ...
وسابكت الموت ولاويت
نياب الواوية السعرانه...
لك هاي آنه ...
حنيت بهام وسبابه بلون القرمزّ ...
وأشرت التاريخ المحرزّ ...
تاريخ بلادي العطشانه ...
لمي الدهله ...وإرغيف العزّ...
لك هاي آنه ...
عراكّيه وللحكَ ولهانه ...
هاي ولايتنه وتشهد لي ايام المحنه ...
يوم الثرنه ...
شديت حزامي بلا منّه...
ومن كامت كل ( آل جويبر * )....
ما كصرنّه ...
و( كلاش *) الطاح من جفوفك ...
شلناه أحنه ...
وما خلينه ..
جلاب البعثيه ...تتدنه ...

_____________

لا تنسونه ...
باجر دستور تكتبونه ...
مو تنسونه ...
بنص الدستور تحطونه ...
تاج الدستور تخلونه ...
موش احنه الكاع اللمتكم ...
موش أحنه العين الضمتكم ...
موش احنه كلوب الماشافت لون الفرحه...
من يوم النغل تولانه ...
صدام أبن العاهر ....صبحه ....!
لا تنسونه ...
لا تنسونه ...

________________________________________________________________

هوامش :
______

* آل جويبر ، من عشائر الجنوب التي أبلت بلاءٍ حسنا في إنتفاضة آذار المجيدة عام 1991
* كلاش : مختصر اسم البندقية الروسية " كلاشنكوف " .
* العباس : هو العباس بن علي بن ابي طالب ، وقد أستشهد مع أخيه الحسين في كربلاء ، ويقسم باسمه أخوتنا الشيعة في العراق ، كما يفعل المصريون من الطبقات الشعبية مع السيد المرسي ابو العباس او بقية الاولياء الصالحين .
* كلمة مهظوم أو مهظومة تفسر في اللهجة الشعبية العراقية بغير ما هي عليه في اللهجة اللبنانية ، فالهظيمة عندنا تعني القهر والمرارة بعكس ما لدى أخوتنا اللبنانيون .

#كامل_السعدون (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات