أمثال عراقية

جواد القابجي

الحوار المتمدن-العدد: 3875 - 2012 / 10 / 9 - 07:57
المحور: الادب والفن
    

إحجاره اللي تجي إمنبعيد .. ماتجرح
بس التنرمي امنگریب .. توگع صَح
************
ربِّي الچلب .. من اتفارگه تشتاق
آحسن من تربِّي اوليد .. يطلع عاق
************
ابكُبر سنّي اوجهد من السما للگاع
يطلع من تعبت اعليه .. أخس اطباع
**************
(( ميخالف وفه للتعب ماريد
مو منّه اگول الذَنِب منّي
بسيطه اونظرتي ماراحت ابعيد
وغابت تجربات الناس عنّي
ماچنت اعرف الحب لحم وثريد
وكاس او عود ولحان المغنّي
چان اجنيتله فد كاس بلُّور
وچنت ألزم وتر من هاي الأوتار
هَم لو شاف بيدي الكاس مكسور
أكيداً ينكسر من غير أعذار
******************
كل هذا اوتجول ابفكري احلام
عسه اتمر خلِّتي بيَّ او تشاهد
وتشوف اشلون غدرت بيَّ الأيام
اولابد منهم ايذب روحه واحد
اشو إبني يجيني .. يزرع ألغام
ابدربي ابدال ميعين اويساعد
أحلامي مثل ظنَّة المغدور
يترجَّه يجي ايساعده الغدّار
يو مثل اليشوف الجمل منحور
يستعطف على حالة الجزّار ..!!! ))
****************
أبوذيّه
*******
رحِتْ حسبالي جرحي بس ++ سلامه ........ ألمَّه
وعندي العاق ما مرَّه ++ سلامه ........ سأل أُمه
بدل میگول حمـــــــــــــــــــــداً بالــ ++ سلامه .....
كَتَبْ تقرير قتّالٍ عليَّه
**************
لكل من يقرأ هذا الموضوع أرجو ان يصف لي كيف نصنِّف هكذا أصناف من البشر وهل يحقُّ لنا ان ندعوهم بشـــــــــــــــــــــرا ؟؟؟
*****************
جواد القابجي
********

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات