جمال الشرقاوى
الحوار المتمدن-العدد: 3855 - 2012 / 9 / 19 - 17:13
المحور:
الادب والفن
ذكريات جميلة عدت
مع ليالى حلوة راحت
و جت علينا ايام حزينة
أطول من سنين فاتت
بصيت ف صورتك قدامى
و فيها ضحكة من زمان
هى ملامحَك م اتغيرش
فيها غير شكل الإنسان
ذكريات جميلة عدت
مع ليالى حلوة راحت
ضعفت أو خدنى الحنين
لمَّا ف قلبى صورتها
و اتأملت فيها بكيت
ف لحظة صدق قطعتها
و افتكرت انا إنى نسيت
ماضى ورايا بكل م فيه
و لا نسيت شيء ف حياتى
طريق كنا سوىَ بنمشيه
ذكريات جميلة عدت
مع ليالى حلوة راحت
عرفت يا قلبى مع الأيام
إن الذكرى مش صورة
و اتارى كل دة أوهام
لا هيَّه حكاية و لا سيرة
دة أصل المعنى جوَّانا
ف لحظة ضعف تمسكنا
شيء مش حقيقى معانا
طيف خيال بيحرَّكنا
ذكريات جميلة عدت
مع ليالى حلوة راحت
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟