قصيدة رد الزعيم

جمال الشرقاوى

الحوار المتمدن-العدد: 3852 - 2012 / 9 / 16 - 12:47
المحور: الادب والفن
    

قاللي واحد
الرخاء فـــ الأرض جيِّ
أيوة هو ـــ جمال مبارك ـــ
لمَّا ابوه يموت هيورث
يملا أرض الفقر خير
قلتله يـآ عم ـــ المدير ــــ
تفرق ايه عن ـــ شافعي ـــ صاحبي
اللي اخوه يبقىَ ـــ الزعيم ـــ
أيِّ كلمة ليها معنىَ بين سطور
و الكلام دة له دليل
مصدرك أكيد أونطا
مصدرك دة ( اسطبل عنتر )
أو حج زار قبر طنطا
تقرير مفبرك من وزير
من وكالة الجاموس
دة كلام جنينة الحيوانات
فيها البقر عمَّال يغير
معرفش إيه إسمه ( البحوث )
لكن مليان دود و سوس
أو جهازنا المركزي
جهاز حكومي لكن خطير
و اللعب شغآل ليل نهار
دة شغل مبارك الجبان
إللي خان الدين كمان
كلامه ناعم زي حرير
إبنه إيه ؟ إبنه مين ؟
دة اللي يقدر يوم يدير
بكلام نواعم بالحنان
مستقبلنا مع الأوطان
و يبقىَ ريِّسنا الجديد
أو يبقىَ عمدتنا الفتوة
كفاية خلاص المحكومين
داقوا القهر خلاص بالقوة
بقينا سيرك و فيه قرود
و بعد ـــ مبارك ـــ الجبان
يجي ـــ جمال ـــ الألعوبان
حرب اكتوبر لن تعود
عرفنا م الجوع اللعين
إن توشكا يــ ناس تغور
للرأسمالي و اليهود
و هنتهزم زي م اتهزمنا
آه يـــ عيني م الفرنجة كتير كتير
لسة فاكرين التل الكبير
طول عمر ـــ مبارك ـــ الجبان
يخسر دايما الرهان
و لا ابنه ـــ جمال ـــ أكبر جبان
يورث إيه يورث مين ؟
دي الغابة مش ناقصة التيران
و اهو بعد ـــ مبارك ـــ الجبان
يجي ـــ جمال ـــ ابنه الجبان
كل اللي ابنه هيعمله
هيزود الحمير حمير !!!
هيتقل كفة الفيران
ما هو كل الناس بقت فيران
و خاتم النسر الأمير
يصبح إشارة للمرور
للصوص مش للفقير
كل دول خنازير سمان
عالم البيزنس ياهوه
و العقار و الإستثمار
للهباشين ويَّا الحيتان
و يجي اللي اسمه ـــ جمال ـــ جبان
عاملي فارس فوق حصان
جايبلي سيف يرعبنا بيه
كان بيحلم من زمان
و هو طفل صغير قصير
بعد ـــ مبارك ـــ الكبير
يبقىَ عقله
أو حكومته
من دم قلب الأمريكان
كان نفسه يبقىَ واد أمير
فـــ إندونسيا أو اليابان
فـــ القبط و يقرر مصير
بس يـــ خسارتك كتير
مفيش أمير
يترقىَ و يكون خليفة
فـــ العصر اليهودي الكبير
مفيش أمير
يبقىَ زعيم بحب الناس
ليه كل سُلطة العقاب
و الردع و التعزير
زي الزعيم ـــ مصطفىَ ـــ
إللي جوز بنته ـــ دعاء ـــ
إسمه ـــ أمير ـــ
ـــ الزعيم ــــ
نهر خالد لكن أسير
قدس أقصىَ لكن أسير
خطاط و شاعر
كلامه من كتر الزعامة
نار و جاية من صخور
يبدأ فـــ الأحزان و يصبر
بس لازم يوم يثور
كلامه فـــ الجميع يسير
إيش تكون
يـــ ـــ مبارك ـــ قوللي فـــ الفراعنة
ـــ توت عنخ آمون ـــ أو ـــ منفتاح ـــ
فـــ المسا أو فــ الصباح
و لا ادِّعِي دَمَّك خفيف
تضحك فـــ اليوم العسير
مهو الكلام ثناح مداح
و لا عايش دور يـــ واد
ـــ عبد الله حنفي ـــ أو ـــ صلاح ـــ
فجأة جه عمِّي غريب
يسابق الريح الصفير
جسمه زيِّ دولاب كبير
معاه سندوق مليان حكاوي
قلبه مليان بالشكاوي
قال م دريتوش
حكاية الجمع الغفير
الوابور و الباص و كله
تذكرته غليت فوق جنيه
نعمل ايه ؟
يــ رب دُعانا ليك سفير
شايفين ـــ مبارك ـــ الجبان
و ابنه ـــ جمال ـــ معاه كمان
خلوا أحلامنا تطير
جالنا ـــ عبد الله ـــ يقول
شيء مُبير
شوفوا المعاش
بكرة يوم هيقطعوه
و يبيعونا و يبيعوه
و اللي يتكلم و يشكي
و لا يبحث ع النصير
ع السجن الحربي يرحلوه
يــ ويلنا ـــ مبارك ـــ دة النذير
رد ـــ الزعيم ـــ
زيِّ شاعرنا ( جرير )
قال سبونا م الكلام
إحنا عزوة
كامب ديفيد مش سلام
و لا هو تحديد المصير
عم ـــــ عابدين ــــ قال زمان
كنت بعمل أيِّ شيء
كنت بفلوسي القليلة
بتاجر بعمل أيِّ حيلة
مش محتاج أكون خبير
عم ــــ علي ــــ جي من بعيد
بينفخ بقلبه غيظ شديد
قال زرت الجزيرة و العرب
فـــ الصيف و فـــ الشتا المطير
فـــ الستينات و السبعينات
كسبت أيوة فلوس كتير
معرفش ـــ مبارك ـــ الجبان
نطع يكفر العشير
بيعاملنا زي نعاج
و ابنه ـــ جمال ـــ معاه كمان
حارمينا من حق الحياه
من حق البرسيم و الشعير
رد ـــ شافعي ـــ قال يـــ ساتر
من شكل ــــ مبارك ــــ أو ــــ جمال ــــ
مجرم و ابن مجرمين
زي البعير
و لا م الواد ــــ النضيف ــــ مسك الوزارة
و هو كناس الحكومة
إللي مخه عجين و عجوة
عيِّشونا فــ نار سعير
طربقوها فوق دماغنا
إمتى نتجوز يـــ عالم
إمتى هنشوف السرير
شوف ـــ صلاح ـــ الحلو قال
ـــ مبارك ـــ دة عامل زي شوال
و لا ـــ جمال ـــ دة شكله برضو
واخدلي بالك يآ ـــ جمال ــــ
م يبشرش بأي فال
هو الاعور الدجال
هيكونله حتى فــ يوم ضمير
صرخ ــــ عصام بلاطة ـــ قال
أنا مش يهودي من نضير
عايز اعيش
إكمن ابويا مات غفير
ما هو ـــ الشرقاوي ـــ كمان فقير
لا عندي أرض
و لا أمي بتربي فــ حظير
عايز اعيش
عايز اكون مغنواتي
و ليه مفيش
فرصة تعدللي حياتي
الفرصة خدها
إبن اللي امه ست هانم
فــ الخورنق و السدير
الفرصة خدها
إللي امه جارية
أو وصيفة فـــ القصور
الفرصة خدها
إللي ابوه دة رأسمالي
و لا ابوه علاقات و عامة
كان سكرتير الوزير
الفرصة خدها
إللي امه إيه فـــ البرلمان
إستخدموها بوق نفير
الفرصة خدها
إللي ـــ مبارك ـــ يبقى ابوه و عنده حاشية
و اللي ابوه يــ ناس وزير
رد ـــ الزعيم ـــ و قال تحذير
كامب ديفيد هدنة رابعة
هدنة خامسة هدنة عاشرة
فيها تطبيع بالتمن
دة الكلام محتاج تعبير
هى دي أصل السياسة
بالهدوء أو بالحماسة
أحنا كمان عايزين تغيير
قولوا ــــ لمبارك ــــ الجبان
و ابنه ـــ جمال ـــ معاه كمان
و لا فرعون اللي كان
مش محتاجين منكم تبرير
رد العم ـــ زهران ـــ قال
إحنا شبعنا خلاص تدمير
كلب ديفيد يبقى إيه ؟
شيء ضروري أو تزوير
أنا كان عندي كلب زيُّه
كنت حنيِّن يوم عليه
كنت اديله أكل ياكل
صار وحش و الغدر فـــ عنيه
م نفعش فيه يــ ناس تمصير
رد أستاذنا ـــ المدير ــــ
فــ الشئون و التأمينات
زيِّ الطوفان الغزير
بابتسامة حنينة
قال اعذروني
الكلام الحلو لسة
حي عايش لم يموت
و اللي جي فرح و بشير
ليه ازود يأسكم
أو اضيَّع وقتي ووقتكم
بكرة القدر
هيجي أحلى م اللي فات
يمكن قلبي و قلبكم
يــ شلة ــــ الزعيم ـــ ينام قرير

#جمال_الشرقاوى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات