ليش الدنيا خربانه!

جهاد علاونه

الحوار المتمدن-العدد: 3830 - 2012 / 8 / 25 - 23:20
المحور: كتابات ساخرة
    

ما فيش حدى حكالي ليش الدنيا خربانه,بس أنا بعد طول تفكير بالقصة فهمت الموضوع من حالي لبالي, يعني بدون ما أغش وبدون ما أسرق أفكار من أي كاتب, كنت قاعد لحالي واستمع لحديث الناس والأهل والجيران والأقارب طلعلي واحد من بيناتهم ووقف بكل عنجهية وقلة احترام مثل(زب عنتر) وقلي: لازم تفهم يا أبو علي إنه الإسلام هو الدين الوحيد اللي صح ولازم نمشي عليه, اليوم قرأتلك على الجريده بإنه عورة الرجل من(الصرة) والدبر والقضيب وجسم المرأة كله عورة من تحت إلى فوق ومن فوق إلى تحت ....وفي مواطن مصري فتح بيتنجانه ولقى فيها إسم الله مكتوب...والله العظيم وإذا مش امصدقني تعال وشوف عندي أو افتح الجوجل وشوف بنفسك ,فقلت: لا حول ولا قوة إلا بالله...وبعدين معك؟مش الحاضر أحسن من الدين؟شو بدنا بهذا الكلام الفاضي؟...ومن ثم استرسل في الحديث: وواحد أردني فتح بطيخه ولقى فيها هذه العبارة: الله محمد, فقلتله يا رجل قرفتني إنت والناس في هذه القصص الخرافيه أنا لا أعتقد بأن الله ترك مشكلة الحكام العرب والثورات العربية والربيع العربي والمجاعة في بعض الدول في العالم على شان يشتغل شغله تافهة مثل شغلتك, شو معقول إنه ألله ترك الشغل وصار يمسك بالقلم ويوقع على البيتنجان الأسود مثل سواد عيونك؟ يا رجل خلي عندك دم واستحي على حالك وهاتلك موضوع شيق نستمتع به بدل المصخرة والتعرسة تبعتك..فقال:

-طيب تعال وشوف وخذلك هذا السؤال: هل لبس بنطال الجينز حرام للمرأة وحلال للرجل؟البنطال بحلي جسم المرأة أو طيز المرأة بشكل مجسم أمام عيون الرجل وهذا حرام شرعا وبعض الفقهاء بقولوا كمان حرام للرجل وكمان لا يجوز دخول الخيار والجزر للبيت لأنه مثل شكل قضيب الرجل وهذه فتوى من كبار العلماء , فقلت له:

-يا رجل خلي عندك مخ وخلي عقلك كبير بلاش الناس تضحك علينا!!, مشان الله والله العظيم وعرض أختي يا رجل صرنا فرجه للعالم والناس واللي ما يشتري صار يتفرج علينا,والله العظيم إني صرت أستحي من حالي, يا زلمه اتقِ الله ولو بكوز صبر أو دلو حلاوة أو سحارة بندورة, يا رجل معقول الله نسي المشاكل العالمية الكبرى وصارت شغلته مثل المفصوم عقليا داير ليل انهار في مزارع الزيتون والدراق والبطيخ والباذنجان على شان يكتب اسم محمد عليه؟معقول الآن الله مشغول بهذه الفكرة ؟وإن كان كلامك صحيح فلمن ترك إدارة الكون؟ يا رجل هذا أولا معناته إنه محمد ند لله عز وجل, يا رجل والله العظيم إنها الدنيا خربانه أو إنتوا اللي خربتوها نهائيا وقعدتوا على تلها, أي (كس) أختها من عيشه بتموت القلب وبتقصر العمر معاكوا...

والله غير اتجيبولي السكري فجأه على باب الدار أو الجلطة فجأه على باب الدار الثاني يعني على الغربي والشرقي, الدنيا خربانه والعالم قاعد بذبح في بعضه والله ماسك قلم على شان يطبع ويكتب اسم محمد؟ نفسي أجد مسيحي واحد بقول إنه وجد في الفاتيكان حبة رمان مكتوب عليها يسوع!! يا رجل أصلا إنت تأمل في أي شخابيط ولخابيط بتتشكل عندك رؤيا متعددة وكلمات ورموز ورؤوس وقلوب وكل هذا بطلع منها.

شو هذه الأمة التعبانه, يعني كمان مش بس هيك, لا في شيء أفضع من هذا كله, الناس بتناقش عن إجرين المرأة(سيقان المرأة) ولحية الرجل ودشداشته القصيرة ومؤتمرات علمية تبحث في هذا الموضوع وتاركين مشكلة البطالة والإرهاب والحرب والسلام والتضخم والاحتباس الحراري, وهنالك أقوام طلعوا على المريخ وبفكروا أن يصلوا إلى أبعد من ذلك ونحن نبحث بقصص فارغة مثل شعر المرأة وشعر الرجل وصدر المرأة و(طيز) المرأة و(كس) المرأة؟أنا بدي أحكي بالمفتشر الفصيح إنتوا ليل انهار وانتوا اتسولفوا عن (طيز المرأة وصُرة الرجل وكس المرأة وشعر رأس المرأة وكل مخكوا في السكس وكأنه هذه مشكلتنا) يا جماعة والله عيب عليكوا, البطالة ذبحتنا ذبح والحركة الاقتصادية واقفه وانتوا نازلين نقاش في زبر الرجل وعورة الرجل وسيقان المرأة وطيز المرأة؟ شو مالكوا؟ ليش ما فيكوش ولا حبة عقل؟ يا جماعة الخير شغلوا مخكوا قبل ما اتشغلوا أزباركم,دايرين ليل انهار على (مراقع فُقس) والناس اتذبحت في كل الدول العربية, شو بدكوا بالبيتنجان وبالرمان وبشعر المرأة ولحية الرجل وصُرة المرأة وصرة الرجل وطيز المرأة وزبر الرجل!! هل هذول مشاكل دولية تعاني منها الناس؟ وهل هذول هن سبب البطالة وسبب أنظمة الحكم الفاسدة؟

#جهاد_علاونه (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين