عماد عبد الملك بولس
الحوار المتمدن-العدد: 3747 - 2012 / 6 / 3 - 17:56
المحور:
الادب والفن
تيجى نلعب فين السنيورة
النجمة التالتة المسحورة
فى العلم العربى المنصور
مرفوع على عيننا المكسورة
والنجمة التالتة الدحلابة
نجمة داود الغلاَّبة
وسط النجمات العربية
نفقسها ازاى واحنا غلابة
والخيبة عندنا ف مدارس
والفكر ف سجن عليه حارس
وشعوب للبيع أو للوارث
والسمسار هو الفارس
وآدى حبَّة عجين الفلاحة
من واحد وطنى وصراحة
وآدى نوم العازب بالراحة
وآدى ضحكة آهى وآدى مناحة
(1990)
#عماد_عبد_الملك_بولس (هاشتاغ)
كيف تدعم-ين الحوار المتمدن واليسار والعلمانية
على الانترنت؟