خايف على نفسى

عبدالله صقر

الحوار المتمدن-العدد: 3726 - 2012 / 5 / 13 - 18:20
المحور: الادب والفن
    

أصرخ ... أصيح

أهلل ... أبكى

أنحب على نقسى

أنم على الآيام

أتحسر على نفسى
..................

أرجع من ثانى أنام

يمكن أهرب من الآيام

يمكن أخرج من اللى أنا فيه

وأخلص من حزنى ويأسى
........................

وبعد ما أصحى من نومى

أمشى فى الشارع

أسمع صدى صوتى

أمشى هايم على وجهى

موش عارف أنا مين

وموش عارف أنا فين

أحاول أكلم الناس

أسلم على أى حد

حتى على الكناس

أهمهم يكلام فى صدرى

كلام موش مفهوم

عشان أنسى الهموم

يمكن أخرج من حيرتى

حزنى على بلدى

وحزنى على ولدى

اللى قاعد فى البيت

فاقد الآمل لبكرة
.................

كل الآنبياء

كانت بتور على مصالحالناس

إلا إحنا ماشيين عكس الناس

أجرى ... أنط ... أضرب

الطوب برجليا

عشان أنفس عن اللى فيا

يمكن لما يجى بكرة أقدر أستريح

زى بقية الناس

يا حسرتى ياللى

أنت أكبر من فرحتى

ويا حسرتى على وجوه البشر

وهى ماسيه بتكلم نفسها فى الشارع

خايف على نفسى لحسن يحى يوم

أبقى زيهم ضايع
.................................

يا غربتى فى وطنى

أوعى تطولى

عشان خاطرى

وعشان عيالى

لحسن أنا عايش

على أمل شايله

جوه ضلوعى

عايش على أمل

إنه ينصلح حالنا

وتعدى محنتنا

وتعدى أيام الضنك

وتعدى الظلمة

اللى معشعشة فى قلوبنا

ونشوف أيام كنا بنحلم بيها

من زمان

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات