مزفوف وسط العِبر

ريمون سليمان داود

الحوار المتمدن-العدد: 3713 - 2012 / 4 / 30 - 09:21
المحور: الادب والفن
    

اهداء
الى موتى السعيد
" جاااان . م "
الحلم فى الزمن البخيل .








وانت موجوع ..
وبيتزف وجعك وسط العٍبر
وع المسافة ..
والزمن ..
شاهد عيان
عياٌن ..
من غليان الجسم بحقنته
تشهد عليك معدتك المثئوبة
وقلبك المخضوع لسرعة دقاته بالحسرة
وكليتك المتملحة بالكسرة
بتحنى الكبد اللى صلاحية وظايفه على وشك الأنتهاء
م الفراق ...
كل الأجهزة بتعلن استسلمها
لوحيك الملعون
مجنون ..............
تمام ذى ما كانت هى بتقولك
مجنوووووووون ..
من يومك
بـأسمك اللى اتزف وسط ظلام الكون
"ريمون "
نور بيحرق قلب الغتامة
واللمامة ..
لمين عليك كل الخلايق اللى اتوحدت على جرحك
بكل اسف الجميع مستنين صفتهم
خط واحد مستقيم
خط .. لئيم
بيعمل سياج على جسدك المتقطع
ولوح ازاز بيعزل الكل عن غرضك ..
وايه غرضك ؟
انك تلبسهم توبك الشفاف ؟
عايز تتشاف ؟
مستحيل وعيونهم متكحلة بالغيمة
بكفايك بقى
واهجر احلامك القديمة
واعبر لوديان بتستنى ندهتك
......
مستحيل ..
مستحيل ..
مفيش بديل ..
دورت فى كل حتة
مشطت جسمى فى كل سكة
وسافرت بعيونى عبر الزمن
ملقتش غيرها
لا قبلها ولا بعدها ..

متسلمش روحك لغواية الأبالسة
فى الوجود كله هما بس خمسة
وهى كانت عنوانهم
وبعدها
الوحى قالى
" اكتمل "
كل الوجود فى حزنها
وف شهقة ابتسامتها ..
عشان كدة لسانى
مستسلم لقبلة الموت
اللى عزلتنى عن الغواية
وخبتنى
بين شفايفها .

#ريمون_سليمان_داود (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات