جمال الشرقاوى
الحوار المتمدن-العدد: 3710 - 2012 / 4 / 27 - 12:23
المحور:
الادب والفن
مين هيبقىَ زعيم بلادي
يعدِّي بينا ف الليلة دي
و اقوله تسلم من فؤادي
و كل جيلنا وفائه ليك
هيحب أوطانه ف عنيك
بفضل الله تكون ريادي
عايزينه أكبر م الكلام
ف حرب أو حتى ف سلام
يبايعه كل الشعب كله
و كل مصر كمان تقوله
ياللي صوتك من ضميري
أقوىَ من كل الأيادي
ياللي هتبقىَ زعيم بلادي
و تعدِّي بينا ف الليلة دي
و اقولك تسلم من فؤادي
شوف نهر النيل بيندهلك
و بحرنا و قنالنا تهمَّك
عندك شغل كتير يا بطل
عدو مش محتاج كسل
و لسة ف وسطنا خاينين
بياخدوا راتب م الأعادي
مين هيبقىَ زعيم بلادي
يعدِّي بينا ف الليلة دي
و اقوله تسلم من فؤادي
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟