في مناسبة مرور 78 عاماً على مولده

جواد القابجي

الحوار المتمدن-العدد: 3681 - 2012 / 3 / 28 - 16:14
المحور: الادب والفن
    

في مولد حزب العراقيين الشرفاء

الحزب الشــــــــــــ 78 ـــــــــيوعي العراقي

*********

أبوذيَة

*********

إلحِزِب بالگلب ثبَّتَّه ++ وسامي

علامة شرف سوَّيته ++ وسامي

عالي اوبالسمه يلمع ++ وسامي

او سهم الحقد مينوش الثريَّه

****************

للحزب شدَّة ورد ..

مضويَّه من خدَّه ..

إلورد اكتسب حُمرته ..

من فِكره ..

من مَجْدَه ..

كل عام رد الحزب ..

نظره او شباب أحله ..

عاشگ عراقي او مُحِب ..

ابعَشگ الوطن .. يعله ..

يكبر وسط كل گلب .. گال الوطن أغله ..

حزب الشغيله ثِبت ..

برض الوطن جذره ..

شـــــــــــــــــــــــاخص شموخ الشجر ..

ما دنگ ابحُفره ..

حزبك * فهدنه * جِبلْ .. وسهولنه الخضره ..

ما يوم هدنه تعب ..

إشما طالت السفره ..

هوَّه ..

هوَّه طريق الشعب ..

إبدم الشهيد أروه ..

يكبر عراق الأبي ..

او هَمْ تكبر الثمره ..

حزب الشهامه يضل ..

چالشمس چالگمره ..

والحقد .. عمر الحقد ..

أمراضه ماتبره ..

ابحب العراق انعجن ..

دم الحزب .. مُهره ..

( عادل .. حسين .. او فهد )

ورفاقنه التبره ..

باقين وعله العهد ..

شمس الشموس أسْره ..

وشْياع وقَّع أمس ..

ما جزع من صبره ..

*******************

نجمات فوگ السِمه ..

يضْوَن بليل أظلم ..

لمَّن يِجِي فجره ..

شموع الحزب والضوه ..

نار او تِشب كبره ..

او كل عام شوف الحزب ..

خيّال بالعِبره ..

يرجع شباب او گوي ..

يتنومس ابفكره ..

عاش الشيوعي الأزل .. للكادحه الفُقره ..

وعاش الشيوعي شَرف ..

بزنودها السمره ..

او حزب الشعب .. للشعب ..

عندي .. عسَل مُرَّه .. عندي عَسَل مُرَّه

*************************

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات