خالد منصور
عضو المكتب السياسي لحزب الشعب الفلسطيني
الحوار المتمدن-العدد: 1058 - 2004 / 12 / 25 - 05:22
المحور:
الادب والفن
من أدب الانتفاضة الفلسطينية
هتافات المسيرات والتظاهرات
خامس عشر : شعارات ضد خارطة الطريق
الطريق للحرية
مش بخريطة أمريكية
**************
هذي خطة أمنية
لضرب الوحدة الوطنية
**************
اسمع اسمع يا دحلان
أمن الغاصب ما بينصان
قبل نحرر هالاوطان
وقبل يوقف هالاجرام
**************
يا عباس ويا بو قريع
حق العودة مش للبيع
**************
يا عباس لا تنسى
ملايين في المنفى
**************
سري صرح سري قال
انسوا العودة يا أجيال
ردّوا ردّوا يا رجال
نار ولعنة عالدجال
**************
يا دعاة الاستسلام
يا أنذال يا أقزام
****************
يا رئيس الحكومة
خطة بوش ملغومة
****************
اسمع اسمع انكل سام
ما رح نقبل بالأوهام
*************
يا زعيم الأمريكان
أنت الحامي للعدوان
**************
اسمع اسمع يا عباس
أمن الشعب بالأساس
*******************
يا نواب مالكو
مشغولين بحالكو
حال الناس عم بسوء
والفساد تحت الضوء
الرقابة غايبة
والأحوال سايبة
*************
أبو مازن نيّالو
بعدو المجلس عاحالو
أغلبية مضمونة
وكلمة لا ملعونة
أبو مازن مش قلقان
ضامن ثقة هالاخوان
**************
يا زعامة هالبلاد
انتو بواد واحنا بواد
***************
احنا شعب محاصرين
وانتو عنا مش سائلين
**************
احنا نقارع لاحتلال
وانتو غرقتوا بالأوحال
***************
اللي فوق مختلفين
على شو مش عارفين
***************
يا زعامة هالقضية
بدها روح مسؤولية
****************
لا عبث ولا استهتار
ولا طوشة عالادوار
***************
شعبي الحر يا أمين
اوعى تكل واوعى تلين
للحرية سائرين
حتى نحرر فلسطين
**************
#خالد_منصور (هاشتاغ)
الحوار المتمدن مشروع
تطوعي مستقل يسعى لنشر قيم الحرية، العدالة الاجتماعية، والمساواة في العالم
العربي. ولضمان استمراره واستقلاليته، يعتمد بشكل كامل على دعمكم.
ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في
استمرار هذا المنبر الحر والمستقل، ليبقى صوتًا قويًا للفكر اليساري والتقدمي،
انقر هنا للاطلاع على معلومات التحويل والمشاركة
في دعم هذا المشروع.
كيف تدعم-ين الحوار المتمدن واليسار والعلمانية
على الانترنت؟