حكاية مرة

صالح نعيم الربيعي

الحوار المتمدن-العدد: 3438 - 2011 / 7 / 26 - 12:51
المحور: مواضيع وابحاث سياسية
    

حكاية مرة
هي قصة قصيرة ابطالها سياسون حديثي الولادة
أتفق صاحب الفخامة السياسي(بيبي السياسة ) دعبول المتدعبل عن عمر يناهز الاربعين عاما بعد ان مكث سبات في نضاله السياسي خمسون عام ( سايق عمرة ) بالنضال السلبي لينتشل الشعب العراقي اخيرا من ظلم دام طويلا مع السيد المزور حنتوش المتحنتش صاحب اضخم صرايف التزوير على شهادة الدكتوراه في الهندسة المعمارية ( هذه رنة جديدة )
ترقص لها مسامع الاذان الحديثة ... لكن من الغريب ان السيد المزور حنتوش كان ذكياً في منح الشهادات المزورة بعد ان رد علية ( عمي على كيفيك ) مو هاي الشهادة مفضوحة انت وين و هاي الشهادة وين اذا انت ماتعرف شنو الهندسة التحليلية من المجسمة ... اسمع استاذ اني صاحب حظ و بخت خليني انصحك لان اني صرت صاحب خبرة و اعرف اي شهادة اتفيدك اتلوك على جهرتك هاي ( خليه وراية ) و انت تتوفق مثل الجماعة الي قبلك وشوفهم ما شالله كلهم كباااااااااااار بالدولة صارو وفلوسهم ملت البنوك الاجنبية.. رد عليه السياسي و ما العمل يا صاحبي ... التفت السيد المزور ساحب فايلاته الثلاثة و حسب التسلسل ..البكلوريوس و الماجستير و الدكتوراه و بمختلف الاختصاصات ... هاك عمي : كلب و اختار ) بس اسمع نصيحتي ... عمي شتريد تتعين اول مرة حتى اعرف اي شهادة اتفيدك ... رد عليه الاستاذ السياسي اريد ولو بس وكيل وزير .ضحك المزور طويلا قائلا عمي انت حتى مو مال موظف و بعدين ليش ما تدري الوزاراة كملت و تفرهدت بس اذا امرتبه ويه العمام و الخوال رؤساء الكتل السياسية هاك شهادة بكلوريوس و روح صير مدير عام
حتى السالفه ( اتيه ويه اهلهه) تره تنفضح و انصحك عمي بعد اخذ بكلوريوس علم الاجتماع حتى هاي اتخلصه بس سوالف و دير بالك اتكلي لاء و تاخذ شهادة علمية العالم تضحك عليك و انسب من وراك ..... و كان سعر هذه الشهادة المدونه في الفايلات الفان و خمسمائة دولار بعد الجدل الطويل و ما ان تعصب السياسي صرخ عمي ماتخافون من الله هي بس ورقتين و ختم .... صرخ المزور عمي و الله هاي اختام اصلية ... استغرب السياسي بعد ان انحلت الشغلة اب الفين دولار .. سلم السياسي الفين دولار للاستاذ المزور و اخذ الشهادة المباركة بدلا من ستة عشر عام و سهر الليالي حصل عليها بنصف ساعة مع المشادات الكلامية ... و ما ان شررع السياسي بالذهاب صرخ السيد المزور تعال عمي وين رايح ... رد عليه السياسي و مذا تريد مني بعد ... قال لازم تدفع خمسمائة دولار بعد ( خو متروح هيج امصخم املطم ) لازم اخذك للكرادة تحلق شعرك و ترتب لحيتك يعني اتخففه شوية و تاخذ خيط و بعدين للحمام عدل و بعدين نشتريلك بدلة كاملة من الحذاء و الجواريب للربطة .حتى الناس تحترمك و هم ما اريد خوية انسب من وراك لو انت اتسبني ... تمام شفت عمك اشلون مرتب ... شكر السياسي المزور بعد ان وعده ان يتفق معه على ترتيب العمل ( الرشاوي ) رد عليه المزور و الله اني ماعندي وقت مشغول ويه جماعتك بمنح الشهادات.. طيب استاذي المزور اشلون اني اخاف من لجنة النزاهه... ضحك المزور بشدة و لايهمك كلشي بحسابة و الجماعة هم زبائن مثلك كامشهم اني من ( أخص.....هم ) بعد شتريد هاي هم خلصناها ... صفن السياسي قائلا استاذ تعرف من ايبيع مكتبة و كتب حتى تطلع وراية بالصور و من اطلع على التلفزيون ... رد الاستاذ المزور ولايهمك عدنه صورمال مكتبات ضخمة جدا و انفصله على طول الحائط و نلصقها ( نلزكها ) وراح تطلع وراك حتى ايكولون انت مثقف و قارئ هاي الكتب كله .بعد شتريد .رد السياسي الحديث الولادة بارك الله بيك استاذي الكريم و كثر الله امثالكم .
صالح نعيم الربيعي
هولندا

#صالح_نعيم_الربيعي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات