قبل إنفصال الجنوب والشمال .. كوكب تنفصل روح عن جسد

أحمد حمود الأثوري

الحوار المتمدن-العدد: 3426 - 2011 / 7 / 14 - 22:32
المحور: الادب والفن
    

حبيبتي الجنوبية .. أنا شمالي .! كم أنا وحدوي لا أفرق بين شمال وجنوب ولكن ماذا لو أنفصلنا .. شمال وجنوب .. إيش رائيك نمنحك هوية " برغلية " في بلدنا عادي إحنا الدحبشة " عندنحنا" "بالهبل" .. تعالي بس "إوصلي" إلى مفرق الراهدة وبخرج لك خمس " بتائق " شخصية .. أنا وأنتي "ساني" نروح -لورشة النجارة نقطع بطا...- " يلعن أخت السهر أيش من ورشة وأيش من "طلي" ".. أنا أقصد نروح "ساني" لإدارة الأحوال المدنية ونقطع "بتاقة " .. ما نحتاج شهود ولا فحص دم ولا شهادة ميلاد .. كله بالفلوس يمشي جري .. واذا تحبي نسجلك فصيلة دمك "إن موجب " لعيونك وإذا تحبي تغيري إسمك عادي نبدل إسمك سعيد أو عثمان على أسماء أجدادي ..
حبيبتي أنا وحدوي حد العظم بس إخواننا السوود والمتفحمين حد الزرقة واللي "أخشامهم" بقطر 3 إنش فعلوها وانفصلوا .. "زول" شمالي و "زول" جنوبي .. وإحنا "عندنحنا" ضليعه ويفيعة وبدو من حق أبين وصبيحة ووهط من حق لحج وهنود وصومالين وخليط دحابشة وبراغله بعدن وحضارم متصوفين .. وبدو معتقين من شبوه وتشكل حراك يدعمه النظام الكاره لليمن .. وبين هؤلاء من "يزعبق" إنفصال إنفصال .. وعاد إحنا سرقناكم كما تدعون .. "البراغلة" بكل كلية ومدرسة‏ ‏ و وزارة ومتجر ومطعم وبوفيه وفوق كل بناية عمال ... الخ وآخر الليلة ينامون فوق كراتين بالشيخ والمعلاء وقالوا "دحابشة" سرق!! "ذلحين" إسمعيني .. " سكري " الخط الآن وقومي غيري ثيابك وتعالي عندي أقطع لك " بتاقة" شخصية قبل ما يقع الفأس على راس اليمن ويتقسم ويتشطر .. إذا تحبيني "فيسع لعندي " وإلا بعدين بنتزوج بإلأحلام بس .. هيا أنا " براعي " لك بمفرق الراهدة حيفان بس "ذانا أعنيك فيسع مثل الريح" ..
مع السلامة .. قبحكم الله يا سود .. من قال لإمهاتكم تنفصلوا شمال السودان وجنوب السودان ؟ قلوبكم "سووود" مثل وجوهكم .. "شبهتم" لإصحابنا الجهال .. كارهي الوحده .. وأنت يا قلبي ما "كلفك" الله تحب جنوبية .. قدك على البلدي "أخرج" لك .. القرية "مليان" بنات والمدينة أكثر .. ما عرفت تفتح عتباتك إلا ل جنوبية .. "ذلحين" ما أخرها هذه الجنوبية العوجاء .. أنا مش قلت لها "فيسع" مثل الطير .. آهاه تكون ما لقت مواصلات .. ذكرت إنه البترول والديزل معدومين .. دائما أنا متسرع وأتخذ قرارات سريعة مثلما أتخذت قرار إرتباطي بها .. بس قلبي عليها مربوط .. ومعلق .... "وسابط شلك" .. أيش بع....
هلا هلا حيا الله روحي .." مواااه .. فييسع " وصلتي ما "أسرع " ؟
شكلك تحبيني مرررره .! أنا فداء لك ..
عندنا برود .. أحسن من عدن .. هيا فيسع على الفرزة .. الله .. الله .. ستر عليك " حالتك حاله " منوه قالك تلبسي " صندل " أبو كوع ..؟ اللي بيشوفك بيقول تتمشي بشوارع باريس .. قدك داري إنك بتروحي تعز .. كلها حفر .. شوفي " الصابات " براسي من كثر ما "أفلت" يا "زعم" هي عدن .. شوارعها مراية وفيها أرصفة فساح .. غبني عليك وااا تعز كلك حفر من قصف الحرس الجمهوري ..
تعز .. تعز .. يا بيجو رايح تعز ! تمام .. إتفضلي حياتي .. عائلة يا عزي "إفسح " قليل
"وووب" عندك يا جني ..
إمسك "أذه" "الكرى " مالك أصبح لا أسعد لك صبح .. أيش من ديزل وايش من بترول وأيش من معدوم .. أعجبك الألف "القرش" وإلا إضرب براسك عرض السيارة .. نصابين أخر زمن .. مالك " تتلفتي" لوجوه الناس .. واحمه أو بتشبهي ! .. سيري ... إنتبهي بيصدمك الدباب .. مال أمك يا باص " دلا دلا " شوف قدامك يا أحول .. حبيبتي إتحسسي معك فاين أمسح اللجيج حقي يطايروا من كثر "الرغاي" .. شكلي "أصطبحت" "بقريح " .. لا تستغربيش سيري بس ..
.. صباحك يا فندم ..أين بنروح يعني؟ نبيع "بعر " ! بندخل يا فندم نقطع "بتاقة" شخصية .. أذه مبني الأحوال المدنية والا سوق قات .. قهري عليك وااااتعز ..
صباح الليل ياعزي .. إبعد صورة أذه المدبر إبن المدبر من الجدار .. من صدقك عادك فارح فيه .. شفته كيف ظهر بالتلفزيون مثل "شراع الدخن " أحسبه صومالي معوق طلع يشحت بالتلفزيون مش رئيس مخلوع .. إبعده أقولك بعدوا قرنك .. ما عاد نشتي غيرها ؟ أكيد نشتي بتاقة .. سجل إسم يعجبك .. موه نسميك يا روحي .. سجل يا أخي عندك " كوكب فارع عبده قاسم " سجل بس حقك الخمسمائه‎ ‎‏ "ذييه" طارف .. لا لا مافيش لا شهادة ميلاد ولا كرت تطعيم .. "ولا رخصة قيادة حمير" فصيلة الدم " إن موجب " سجل بس هذه فصيلة جديدة أكتشوفها في المستشفى الميداني بساحة الحرية .. سجل وخذ ثلاث مائة .. وقع إنو في شاهدين .. سجل إسمي مرتين .. شاهد أوك .وشاهد ثاني إسمي بالمقلوب .. هيا تعالي إتصوري .. صلحي الحجاب سع الناس .. العيون هنا رصاص .. فتحي عيونك .. الله "يشلك" "لموه" "تفهرري" هذه صورة بتاقه مش ذكريات بالساحل الذهبي
خلاص بكره بنجي لك نأخذها .. شل الزلط شلك الجني الأزرق .. هيا أيش باقي لك .. باقي إلا تفتقي لسانك مثل بنات تعز عشان أمي تفرح بك وما تقولش عنك متكبره وإن بنت القرية كانت أخرج لي .. ‏ ‏وقسي قلبك بكرة ما عاد بتقدري تسافري عدن ولا تزوري أمك " ما معك إلا تلوحي .. والطحين والماء عليا " .. .. بطلي من اليوم " إندكو ." وتاني " وياته ".. وإحفظي " سحاوق .. ناهي .. خينا .. ذاكوه ..
يلا يا " أيش سجلنا إسمك بالبتاقة " نسيت ياربي .. " اللهم صلي وسلم وبارك عليك يا حبيبي يا رسول الله "
هاه .. ذكرت .. "كوكب .. كوكب " .. مالك تهربي عاده بحين .. إرجعي يا كوكب شضيعي بتعز .. كوكب .. يا كوكااااب .. يا كوكااااب .. إرجعي وااا كوكااااب ...
هاه ..خليني أرقد يا أماه .. قمتيني من النوم وسيبت كوكب لوحدها بالمركزي .. اكيد تكون ضاعت .. ما أشتيش صبوح خليني أرجع أرقد وأشوف أين راحت كوكب .. يا كوكب ..
..............
ملاحظة : يحتوي هذا النص على مجموعة من الكلمات الخاصة بتعز .. من لم يفهم معانيها يستسفر بإرسال إيميل أو رسالة عبر الفيس أو وضعها على تعليق في هذا النص ..

#أحمد_حمود_الأثوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات