اهوار خالد زكي _ مهداة لمظفر النواب لذكرى ال43 لثورة اهوار الشطره

رحيم الغالبي

الحوار المتمدن-العدد: 3370 - 2011 / 5 / 19 - 17:23
المحور: الادب والفن
    

الى مظفر النواب لذكرى 43 عام لثورة اهوار الشطره
يا شنهي اموت واحبك
شعر رحيم الغالبي

بعيونك اموتن ، حتى افوتن .
.بابك المسدود ، ماشافه
الحلم مرّه

نديمي العمر ردته اوياك ما صاح
ازت روحي مسافه
طاح الزمن وكله , بحزن وانياح
لا شرجي ولا غربي تهب ارياح شفنه الحنطه كلها صوفرت...
والسنبل عله المسطاح ، ذابل ....
فارغ من الحبه ...
ظل يحلم تبن ...
يحلم تبن ، مو تين !!


وبكل جفن مرواح ، محّد فزز الناطور
ا
موسم اجه
وموسم راح
وموسم بالحلم ينزع ثياب السهره والافراح
شفناهه جذب

من صبّح المصباح !!!!
وكبل ما كتلك ، اريد اتخلي ايدك عله خد الوسفه
واصبع تعظ للندم
اخر ليله من سديت العمر للموت اتاني
وطاح من ايدي القلم ،
...... بس آنه نايم ..ماحلم ...آنه نايم واعي ما حلم
اخر ليله طاح النجم
وراسك عالي لا ماطاح

والحلم والالم طول اسنين
.... ما مر ( .............
بالنفسج رازقي وقداح


.......... ولاشجرة عنب ، لايثمر التفاح
(( مرّانه .. حمد ..
ذاك الزمان وراح
عله عيوني .. رسم خطوات هجرانه
وتعده أعوام عمري،،
ورك شجره يبس ،من اغصانه
، حش منجل فركته ،
الغاب عنه اسنين ، بس ما غاب ...
كل جلساتنه ويانه
جذر شجرته .. لعلو السمه ..اتسمت
شجرته
الزاهيه الكالوا *خبيثه *
اتفرعت كلها..محبه
ياحبيبي
انت زخّت
زخت مطر وبغدرانه ، سولفولي
من زمان
اسرارك.............
وافكارك.........
تصاوريك بعرس الهور..
والكصبات .والبردي سولفلي ياجدّي
جنت حدّي... بسواليفك...
بمشاحيفك ..بصوت الماي والمردي
سر ضميت بيه اسرارنه ..
تاخذنه واتودي
عرس ( خالد زكي ) لليوم
هلهوله تطر وسط الغموكه*
الخوفت تيجان
تدري بكل نشيد الثوره (لمظفر )
يكوم الهور والبردي والمعدان...
وتطك للبصره لهوار العماره صويحب ، وغيلان
ازيرج عمامه
وتسير كلها الزلم والنسوان...
كلها تصيح يا بغداااااااااد
يابغدااااااااد
شعب الهور احنه :
ضيعنه زمن قواد( لا مو قوّاد كوّاد )،

,,,,,-----------------------------------------------
لعيبي * الشيوعي الاسم والعنوان
**القصيده هدية لاستاذي ومعلمي الفذ مظفر النواب
اهديت له في ديواني الذي صدر هذاالعام بعنوان= جسر من طين=منشورات مجلة الشراره للحزب الشيوعي في النجف

#رحيم_الغالبي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات