فتحى غريب أبوغريب
الحوار المتمدن-العدد: 3317 - 2011 / 3 / 26 - 02:18
المحور:
الادب والفن
قتلوك الكلاب المجرمين ياولدى..
قتلوك يازهره ماتت لما قطعوا غصنها..
لسه حكاوينا عايشه النهارده وبكره..
ولا مات الهتاف..
والامل لما مات بين إيدينا حلمها..
*مصر بعتالك جواب من الميدان ..
النهارده ومن زمان..
ياشهيد الثوره ..
بلدنا حزنانا عليك..
والشهاده ...سطر واحد ..
إنك أنت حبيبها وإبنها..
والصبايا والشباب بتبوس أيديك....
ياولدى..مصر ليليها وصبحها....
دموعها نايمه فى جرحها ..
وانت باقى فى حضنها..
مصر بتبوس إيدك. ياولدى..
مصر ....أنت واللى دمه نادى بروحه.. .
ظلمها..
جانا غضبها ثوره فى لحنها..
وجانا صوت الحزانا المجروحين ..
صوت الغلابا المطحونين..
ياحلم بثوره ضاعت وتاهت فى الطريق..
ومصر فرحه ماتت بين إيديها إبنها..
ولافات الصبر كاس بيشرب عمرها..
لا ياصبر مر ليه جى تذلها..
وهى لسه ولدت فى فجرها...
مصر بتسلم عليك ياولدى..
#فتحى_غريب_أبوغريب (هاشتاغ)
كيف تدعم-ين الحوار المتمدن واليسار والعلمانية
على الانترنت؟