راح تلكَاني دوم أوفيك

شيرزاد همزاني

الحوار المتمدن-العدد: 3265 - 2011 / 2 / 2 - 01:13
المحور: الادب والفن
    

إذا الدنيا تعبتك
حبيبي
والزمن فَرْ بيك
والوقت صار عدوك
والمحن أحاطن بيك
وربيعك صار أصفر
ونهارك صار بلون لياليك
وسماءك هجرته النجوم
وألأمل صار يبكي عليك
وصرت
كأنها تاهت عنك دروبك
بصحرا
والسراب صار يدليك
وما بقى لك وليف يساعدك
وصديقك خان بيك
وضاقت بأحلى عيون الدنيا
وألآه صارت ما تواسيك
لا تنسى أنت عندك
آني
وشبيك لبيك
لا تفرك المصباح
ما أريدك تجهد أيديك
أذكرني
أذكرني بس همس
لا تناديني .. آنا أجيك
أظمك
وأسوي العين فراش
والجفن غطا يغطيك
أرخص لك الغالي
ولو قضت
أبروحي أفديك
لا تنحرج
أهلك أذا تنكروا لك
راح تلكَاني دوم أوفيك
والختام
بوسة وحظنة وسلام
وأدعوا من ربي
يحفظك ويخليك
وأسمع بس الحلو عنك
حتى من أنام
أنام وآني مطمئن عليك


July / 20th / 2008

#شيرزاد_همزاني (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات