|
ماذا قال مبارك لوزرائه في أعقاب يوم الغضب؟
محمد الحداد
الحوار المتمدن-العدد: 3262 - 2011 / 1 / 30 - 16:08
المحور:
مواضيع وابحاث سياسية
كلنا متابع لما يحصل في الشقيقة الكبرى مصر، وكلنا يأمل أن تنتصر جموع الشعب الغاضبة على سلطة الجبروت والاستبداد، وقد وصلتني هذه الرسالة على بريدي الإلكتروني، ولأهميتها، فقد وجدت ضرورة إعادة نشرها مع اسم كاتبها سامي البحيري، أترككم مع نص الاجتماع الذي جمع مبارك مع وزرائه، مع خالص تحياتي لأحرار مصر وتونس وكل العالم . محمد الحداد كتب سامي البحيري التالي : في البداية حاول صفوت الشريف (أمين عام الحزب الوطني ورئيس مجلس الشورى) وحبيب العادلي (وزير الداخلية المصري) التهوين من يوم الغضب (25 يناير 2011) في مكالمة مع الرئيس حسنى مبارك، ولكن ما أن اتسعت رقعة المظاهرات حتى طالب الرئيس بعقد اجتماع فورى في مكتبه لمراجعة الأمور. وحضر المجتمعون الآتي أسماؤهم بالإضافة إلى الشريف والعادلي المشير طنطاوي - وزير الدفاع فتحي سرور – رئيس مجلس الشعب أحمد نظيف – رئيس الوزراء عمر سليمان – رئيس المخابرات العامة أحمد الغيط – وزير الخارجية (ملاحظة: متوسط عمر الذين حضروا الاجتماع تجاوز ال 75 سنة) .... الرئيس حسنى مبارك يفتتح الجلسة: إيه إلى بيحصل في البلد ده يا عادلي، إنت مش قلت لي دول شوية عيال إتجمعوا من الفيس بوك وحينفضوا لوحدهم، أنا بأتشتم في الشارع يا عادلي وإنت مش قادر تعمل حاجة. العادلي: يا أفندم جمال باشا قال لي سيب المظاهرات تمشى خليهم يعبروا عن نفسهم عشان ما تقبلش بعنف. مبارك: من إمتى إنت بتاخد أوامرك من جمال، وهو فين سي جمال دلوقت مش قلت له يا صفوت إنه يحضر الاجتماع ده، هو فين بسلامته؟ صفوت الشريف: يا أفندم أنا قلت له، وهو قال لي إن بنته (فريده) عندها سخونية شوية ومش حيقدر ييجى! مبارك: بالذمة ده كلام ؟ البلد حتضيع مننا وهو قاعد لي جنب مراته وبنته؟ أنا سمعت إشاعة إنه سافر لندن في طيارة خاصة من مطار غرب القاهرة الحربى، إيه الحكاية يا طنطاوي؟ جمال سافر من غرب القاهرة؟ طنطاوي: لا يا أفندم الأستاذ جمال فعلا مع مراته وبنته، والمخابرات أكدت الكلام ده، مسألة سفره إلى لندن دي إشاعة الهدف منها زعزعة الثقة في النظام وفى إبن النظام. مبارك: أيوة يا عادلي حتعرف تسيطر على العيال دول ولا تحب أخللى طنطاوي ينزل لك الجيش؟ العادلي: يا أفندم الوضع تحت السيطرة، إنت بس سيادتك تدى أوامرك إننا نتعامل معاهم بالقوة اللازمة. مبارك: إنت محتاج أوامر يا عدلي دى وظيفتك.. بس مش عاوزك تعمل لي مذابح، ممنوع إستخدام الذخيرة الحية ولا حتى الرصاص المطاطي، كفاية قنابل الدموع وخراطيم المية، والمية كويسة قوى في الشتاء ده، الواد من دول ييجى له لطشة برد تقعده في البيت أسبوع. أحمد أبو الغيط: أنا إتصل بي السفير السعودي في مصر هشام ناظر وطلب منى أبلغ سيادتك إن جدة تحت أمرك، لولا إنها غرقانة دلوقت في شبر مية. مبارك: جدة إيه يا أبو الغيط، مش أنا إللى أهرب وأسيب مصر، أنا سبب إستقرار البلد ده لمدة 30 سنة، من غيرى كانت البلد غرقت وبقت زى السودان أو الصومال، صاحب الضربة الجوية الأولى في حرب أكتوبر مش ممكن يهرب (صفوت الشريف يهمس في إذن عمر سليمان: أنا إللى طلعت عليه حكاية الضربة الجوية الأولى لما كنت ماسك الإعلام والراجل صدق) مبارك: بتقول إيه يا صفوت لعمر سليمان وما تشركونا معاكم يا أخي. عمر سليمان: لأ ده كان بيقول لي : إحنا كلنا ضباط ومش ممكن نهرب من البلد. مبارك: وبعدين إيه حكاية الإنترنت والفيس بوك و التويتر، إحنا حنسيب البلد لشوية تلامذة يغرقوها، ما تقفولوا المخروبة الإنترنت دي يا نظيف. أحمد نظيف: يا أفندم البلد كلها تقف لو قفلنا الإنترنت، حجوزات شركات الطيران وحجوزات الفنادق و الاتصالات بينا وبين كل أنحاء العالم دلوقت بتعتمد على الإنترنت مش ممكن نقفلها، وبعدين عندنا كمان الحكومة الإلكترونية حتقفل. مبارك: حكومة إلكترونية إيه وزفت إيه، إنت مش قادر تنظف البلد وتقوللى حكومة إلكترونية ،بالرغم من إن إسمك نظيف (يقهقه مبارك، ويشاركه المجتمعون فى القهقهه) نظيف: حلوة يا ريس... أنا رأيي إننا نقفل الفيس بوك وتويتر مؤقتا، ودى حتقلل كثير التواصل بين الولاد دول. مبارك: ماشى، يا أبو الغيط إنت هيلارى كلينتون إتصلت بيك ولا إنت إتصلت بيها. أبو الغيط: أنا حاولت أتصل بيها وكل مرة مكتبها يقولوا لي إنها في الحمام، الظاهر عندها إسهال. مبارك: إسهال إيه يا ابو قلب طيب، دى بتزوغ منك لغاية ما تعرف مين إللى حيكسب وبعدها تنضم للفريق الغالب، الأمريكان دول أنا عمرى ما إطمئنيت ليهم. أبو الغيط: على العموم سيادتك أدرى مننا بالأمريكان، إنت بتتعامل معاهم بقاللك 30 سنة. مبارك: قصدك إيه يا ابو الغيط بحكاية الثلاثين سنة دي إنت حتبتدى تقر علىّ ولا إيه؟ أبو الغيط (مبتسما): لا يا أفندم ربنا يديك الصحة وطولة العمر. مبارك: إيه الأخبار يا عمر، إحنا كنا خايفين من الإخوان، لكن العيال دي كلها جت لنا منين؟ عمر سليمان: والله إحنا المخابرات بتاعتنا بتقول إن لغاية الساعة ثلاثة بعد الظهر يوم 25 يناير، الإخوان ما كنش ليهم وجود في الشارع لأن قيادتهم أعلنت إنهم مش حيشتركوا في المظاهرة، لكن لما قيادتهم لقت المظاهرة كبرت، على طول ركبوا الموجة ونزلوا الشارع. (يسمع الجميع شخيرا يجئ من ناحية فتحي سرور) مبارك: جرى إيه يا سرور إنت جاى تنام هنا ولا إيه؟ إنت فاكر نفسك في مجلس الشعب؟ طيب ربنا ما فتحش عليك بأي كلمة، على الأقل خليك مصحصح معانا. فتحي سرور: والله ياأفندم أنا متعود أنام من الساعة تسعة، والساعة دلوقت عدت نص الليل. مبارك: البلد بتضيع مننا يا سرور وإنت عاوز تنام، والله المدنيين دول آخر دلع وما يعرفوش يحكموا كفر الشلشلمون (مبارك لمساعده هات له يا بنى كباية مية ساقعة خليه يفوق شوية). صفوت الشريف: أنا يا أفندم أقترح إنك تجتمع مع الدكتور البرادعي، خطوة زي كده ممكن تهدى الناس، وهو له شعبية كبيرة على الفيس بوك. مبارك: حيرجع تاني يقوللي الفيس بوك، مش عاوز أسمع تاني سيرة الفيس زفت ده. عمر سليمان: أنا مع صفوت يا أفندم وبعدين أنا ممكن أمهد للاجتماع مع البرادعي. مبارك: البرادعي حيعمل إيه، هو حد بيشوفه، ده على طول مسافر، وهو عاوز يحكم مصر من الفيس بوك، وبعدين أنا حا أقابله بمناسبة إيه. فتحي سرور: أنا رأيي إنك تعرض عليه منصب نائب رئيس الجمهورية. مبارك: والنبي يا سرور تنقطنا بسكوتك أو بشخيرك! (يقهقه مبارك ومعه الحاضرون). فتحي سرور: لا بجد يا ريس دي حتدي الناس شوية أمل ويحسوا إن خروجهم الشارع جاب نتيجة. مبارك: إنت إيه رأيك يا عمر؟ عمر سليمان: أنا مع سرور بيه. مبارك: و إفرض إنه رفض المنصب. عمر سليمان: خللي دي عليا يا ريس. مبارك: طيب وحنعمل إيه يوم الجمعة بعد الصلاة؟ وخاصة لو الأخوان إستولوا على الشارع. حبيب العادلي: أنا رأيي أنك تصلى الجمعة في جامع الأزهر مع شيخ الأزهر وتقول كلمة للناس بعد الصلاة تهدى النفوس شوية، وتقطع الطريق على الإخوان . مبارك: الأزهر إيه يا أخي، مش سامع الهتافات في الشارع بتقول: "حسنى مبارك ... جدة في انتظارك"، عاوزني أروح برجلي الأزهر، وبعدين أنا نفسى أروح أقعد في شرم الشيخ بعيد عن القرف ده. عمر سليمان: ما فيش داعى لشرم الشيخ دلوقت يا ريس، الموقف حساس شوية، و ضروري نعمل حاجة نهدى النفوس شوية، الناس تعبانة. مبارك: الناس تعبانة وأنا كمان تعبان، أنا بقالى ستين سنة بأخدم البلد دي، وييجوا في الآخر يقولوا لي "جدة في انتظارك"، أنا بتاع جدة برضه. طنطاوي: طيب ما دام إنت تعبان ما تريح شوية يا ريس، وإحنا نقوم بالواجب في غيابك. مبارك: إنت بتقول إيه يا طنطاوي، إنت جرى لك حاجة، المظاهرات أثرت عليك ولا إيه، أنا ما ليش غير الكرسي ده أو القرافة. عمر سليمان: ربنا يطول لنا في عمرك يا ريس، المشير طنطاوي قصده إنك تأخذ أجازة قصيرة لغاية ما الأمور تهدأ. مبارك: جرى إيه يا عمر.. إنتى عاوزني أمشى ولا إيه؟ هو إنت وطنطاوي إتفقتوا على ّ ولا إيه؟ عمر سليمان: إيه الكلام ده يا ريس، بقى دي آخرة العشرة، بس إحنا مش عاوزين البلد تقلب زي تونس، الناس في مصر تعبانين أكثر من التوانسة كمان. مبارك: وفيها إيه يا أخي، ما الناس في العالم كلها تعبانة، في أمريكا وأوروبا، وإنت يا نظيف مش قادر تفهم الناس إن فيه أعنف أزمة مالية شهدها العالم يمكن في تاريخه، وإننا جزء من العالم، إمال الفلوس إللى بنصرفها على الإعلام ده بتروح فين. نظيف: يا أفندم الشبان إللي نزلوا الشارع ما بيشوفوش التليفزيون المصري ولا بيقروا الجرايد الحكومية، دول بيدخلوا على الفضائيات والإنترنت. مبارك: ما هو من خيبتنا بقالنا 50 سنة عندنا تليفزيون ومش عارفين نعمل قناة زي الجزيرة، قطر البلد إللى أصغر من شبين الكوم، عملت قناة عالمية في ظرف 10 سنين. المهم دلوقت عاوزين قرارات حاسمة لأنى تعبت وعاوز أروح شرم بأسرع ما يمكن. صفوت الشريف: أنا شايف اول حاجة سيادتك ضروري تكلم الناس في التليفزيون. مبارك: عاوزنى أقول لهم :"أنا فهمتكم" زي زين العابدين؟ صفوت الشريف: يعنى تكلمهم عن انتخابات الرئاسة وعن الوظائف الجديدة ونرفع الحد الأدنى للأجور، المهم إن الناس تحس إن خروجها للشارع جاب نتيجة. وممكن تقابل البرادعي، مجرد مقابلته حتى لو ما عرضتش عليه أي منصب ممكن يهدى النفوس. مبارك: خلاص ما عنديش مانع خليني أكلم الناس يوم الجمعة بالليل، وربنا يسهل، والنبي يا نظيف صحى فتحي سرور قل له الاجتماع خلص!
محمد الحداد 30 . 01 . 2011
#محمد_الحداد (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
قراءة في طبائع الاستبداد ج 2
-
قراءة في طبائع الاستبداد ج 1
-
بحث مقارن ج 14
-
قصيدة مجهولة النسب
-
بحث مقارن ج 13
-
بحث مقارن ج 12
-
بحث مقارن ج 11
-
بحث مقارن ج 10
-
بحث مقارن ج 9
-
بحث مقارن ج 8
-
بحث مقارن ج 7
-
بحث مقارن ج 6
-
بحث مقارن ج 5
-
بحث مقارن ج 4
-
بحث مقارن ج 3
-
بحث مقارن ج 2
-
بحث مقارن
-
أعوانُ الظَلَمَة
-
دستور الجمهورية العراقية
-
احتلال الكويت
المزيد.....
-
مصر والصومال.. اتفاق للدفاع المشترك
-
ترامب يحذر من عواقب فوز هاريس في الانتخابات الرئاسية
-
أربعة أسئلة حول مفاوضات الخميس لوقف إطلاق النار في غزة
-
بايدن وهاريس يتلقيان إحاطة بشأن التطورات في الشرق الأوسط
-
عزيز الشافعي يدعم شيرين ويوضح موقفه من إصدار أغنيتها الجديدت
...
-
أمريكا تجدد دعوتها لسوريا للإفراج عن الصحفي -المختطف- أوستن
...
-
قصف مدفعي إسرائيلي من العيار الثقيل يستهدف مجرى نهر الليطاني
...
-
متهم بالعمالة للحكومة المصرية يتوصل لصفقة مع السلطات الأميرك
...
-
في ختام اليوم 313 للحرب على غزة.. آحدث تفاصيل الوضع الميداني
...
-
مصراتة الليبية تعلن إعادة تفعيل المجلس العسكري ردا على نقل ص
...
المزيد.....
-
الخطاب السياسي في مسرحية "بوابةالميناء" للسيد حافظ
/ ليندة زهير
-
لا تُعارضْ
/ ياسر يونس
-
التجربة المغربية في بناء الحزب الثوري
/ عبد السلام أديب
-
فكرة تدخل الدولة في السوق عند (جون رولز) و(روبرت نوزيك) (درا
...
/ نجم الدين فارس
-
The Unseen Flames: How World War III Has Already Begun
/ سامي القسيمي
-
تأملات في كتاب (راتب شعبو): قصة حزب العمل الشيوعي في سوريا 1
...
/ نصار يحيى
-
الكتاب الأول / مقاربات ورؤى / في عرين البوتقة // في مسار الت
...
/ عيسى بن ضيف الله حداد
-
هواجس ثقافية 188
/ آرام كربيت
-
قبو الثلاثين
/ السماح عبد الله
-
والتر رودني: السلطة للشعب لا للديكتاتور
/ وليد الخشاب
المزيد.....
|