فتحى غريب أبوغريب
الحوار المتمدن-العدد: 3254 - 2011 / 1 / 22 - 15:04
المحور:
الادب والفن
حكمونا بلادنا.. الديابا الابالسه الكدابين
وناموا فى قصورهم.. سقونا الميه طين
يتاجروا فى عرقنا ,وفساد ينخر ضلوعنا
يا عساكر علينا مأجروين..
ياليل يابو الحزانى ..دا إحنا المحزونين
سرقوا خيرك ياطيبه ..وعيالك عطلانين
يامصر ياحبيبه .. ليه فيك مغربين...
شباب نايمه بدموعها ..حزنان يامه عليهم
هاجروا فى حلم بكره .. ورجعوا مكفنين..
**يانيل يابو ميه فضه..
يابو الحكاوى ...والناس الطيبين
صور ياليل جراحنا فى عيون المهزومين
نحروا.. الحب فى قلوبنا ..
وماتت فيه السنين..
الخوف ماعاد له صاحب ,
إلا أحنا المغلوبين..
أصرخ وهات حقوقك ..ياشعب المحرومين
إللى أحتل بلدنا ..عسكر مخدوم ونفاق اجانب
وأنا فى الغبن داين ,وأبوعمه مالوهش دين..
ظالم والاسم حاكم, وبطانه حراميه ونصابين
ورغيف عيش الغلابا ..مخلوط بتراب طين..
#فتحى_غريب_أبوغريب (هاشتاغ)
كيف تدعم-ين الحوار المتمدن واليسار والعلمانية
على الانترنت؟