تيتي تيتي مثل مارحتي اجيتي

سامي عبد المنعم

الحوار المتمدن-العدد: 3247 - 2011 / 1 / 15 - 22:04
المحور: الادب والفن
    

تيتي تيتي مثل مارحتي اجيتي
سامي عبد المنعم

تيتي تيتي البرلمان
راتب اوصيت وامان
بيدي مفتاح الجنان
والحماية اباب بيتي
تيتي تيتي مثل مارحتي اجيتي

الشعب رشحني ابرضاته
شاف تصويري اشحلاته
چان يتصور نجاته
ابمحبسي او جبتي اولحيتي
تيتي تيتي مثل مارحتي اجيتي

باچر اصبح دبلماسي
والحمايه فوگ راسي
واحد ايلمع امداسي
اوواحد اينفذ وصيتي
تيتي تيتي مثل ما رحتي اجيتي

هسه انه برلماني
بالسره الاول مكاني
الناس تبعثلي التهاني
وطش بالولايات صيتي
تيتي تيتي مثل مارحتي اجيتي

الناس شمعرفها بيه
او منهو اليسأل عليه
الفخريرجع للبطانيه
صارت احزامي اوتچيتي
تيتي تيتي مثل مارحتي اجيتي

الشعب حاير ابأمره
گضه بالصدمات عمره
ايطيع كل واحد يأمره
اشحده ينشد عن هويتي
تيتي تيتي مثل مارحتي اجيتي

الشعب حمال دومه
حافي وامرگعه اهدومه
ايسلم امره الكل حكومه
والحكومه اتخاف حته من الكويتي
تيتي تيتي مثل مارحتي اجيتي

عدنه چم اهدان يحكم
ايگول بس تحچون فنكم
اگطع التموين عنكم
او فنه اليخالف مشيتي
تيتي تيتي مثل مارحتي اجيتي

ايحرم انواع الفنون
حته صوت اليغنون
ايحلل الترياك ويه الفسنجون
ايگول فعل الخير نيتي
تيتي تيتي مثل مارحتي اجيتي

الشعب اصبح ايخاف
قابل ايعيش ابكفاف
واللغف جوه اللحاف
او محد اتهمه قضيتي
تيتي تيتي مثل مارحتي اجيتي

#سامي_عبد_المنعم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات