*أول فصول المسرحيه ..يابهيه فى مجلس التزوير..

فتحى غريب أبوغريب

الحوار المتمدن-العدد: 3217 - 2010 / 12 / 16 - 22:39
المحور: الادب والفن
    

أول فصول المسرحيه ..يابهيه
فى مجلس التزوير..

راح تسمعوا هتاف الريا..
ومسابح التنعير
وبوق عالى حرفته التنهيق
ويخرس لسان الحر..
ويسكت التفكير

تسمع زئير يهز السما..
من هنا وهناك..وهدير
أفتكر الاسود قامت

أقول ياعميه ياعنيه
ماشيفه غير طراطير..

أه.. وأهين يابلد لما ميزان
الظلم..يكون طابب..

تلاقى شجر الخوف طرح غربان ..
وحفر تحتها عيون
مسكونه بأرانب..

على فين يامصر رايحه
يارعايا ..ياضحيه.. مضحيه..
وجلاد ومعابد..

وكهنه للسلطان ..فى مسرحيه
والكل ليه..عابد

ولا تغضب منى لما أنهبك
وأسرق لقمتك ..وأضربك
وبلاش الشكى..والبكى ياعويل..
أمْسح كرامتك ..وأقتل شهامتك
وتعال ..راكع ونتعاتب..

هو ..دا عرف جارى..
وعلى من يحكمك واجب..

وأخر كلامى أقول ..
ياريت أكون عاجب..

ياولدى عيون الرعايا..
عمياما صور ومكادب
وفوق كده
حلقت لها السلاطين نخوتها ,
ونتفت لها الشارب...

وأقول زى المثل ماقال :
ياعراب يامتعارب..
العين ياعبدى.. الجعان
ماتعلى على الحاجب..

وضرب الحر بالجزم فى المظاهره
حق للعسكرى وواجب

ولما يكون مجلس ولاد الابالسه
حلاوه ونقاوه ..وعرايس معارضه
تهتف علينا غناوى تتعاجب..

ياعينى بالدم صبى دمع..
ياليا لى الحزانى إسمعى...

يامصر حنطوا فيك الكرامه..
والكدب صبح واجب..

أه..... وأهين
يامصر ياست السفاين والسنين
الله يجازى إللى قَلبْ ..
وخللى ليلك طويل حالك...

يامنهوبه عقل ودين ..ياأم الهرم
والحضاره والسنين..
ولله ..ولله كان عليك العين

يا أم النيل ..والنوبه ياطيبه ..
والقبلى..... والبحرى
والولاد الغلابا الطيبين..
أرجع وأقول ياطالب الحصانه ,
وناصب شباك المناصب..
وماشى بمبخره,
وحال ومال البلد سايب..

ياكل شارب من دمنا وناهب
كلنا عارفين ..ياحامد ياساجد
فى ملك البشر ياحزين..

أنا شاعر حكيم مصرى..
ولا ...حاسد, ولا....معاتب

مايصعب عليك الشعب المغلوب على امره
يشرب ذل الهموم ...مخلوط بمقالب

أه ....يابلد دايخه.. من زمان الاحتلال والغزو
إن كانوا أغارقه ..ولله رومان ,
أو كانوا كلاب من البدو
آه ....يامصرنا المنهوبه ,
حتى لحمير مماليك أو ترك

ياما فاتت علينا أمم وممالك ..
أحفر ودور على التاريخ ياأبن البلد ياغريب
تلقى الحضاره ,,والشهامه ..تلقى الطهاره..
أصرخ وقول ..إنتِ التاريخ يامصر..

#فتحى_غريب_أبوغريب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات