روبرت ميلاد فهمي
الحوار المتمدن-العدد: 3201 - 2010 / 11 / 30 - 20:08
المحور:
الادب والفن
احضنيني ياامي
وفي حضنك عليا شدي
احضنيني
طمنيني
وقولي لي ايام وهتعدي
قطر العار ناحيتنا مش هيهدي
احضنيني ياامي
وبايدك غطيني
من اللي عرته فيا ايامي وسنيني
ليه ياامي قالوا عليا بعت جسمي؟
ليه ياامي في همسهم بسمع اسمي؟
ليه حكموا و ليه كتبوا وليه قالوا اللي في نفسي
ليه ياامي قالوا علي بطاله
ليه بصولي وقالولي
ياخساه
مع ان هما اللي عروني
وبالكفر عايروني
هما اللي بعنيهم نهشوني
اكلوني ياامي
وماسمعوا شهقه عيوني
احضنيني يامي
وحسسيني من تاني اني بشر
مش سلعه في محل
ولا طريق في سفر
احضنيني يامي
ونسيني اللي جوايا
انكسر
#روبرت_ميلاد_فهمي (هاشتاغ)
كيف تدعم-ين الحوار المتمدن واليسار والعلمانية
على الانترنت؟