دوله وعلم

الشاعر حسين البهادلي

الحوار المتمدن-العدد: 3114 - 2010 / 9 / 3 - 19:52
المحور: الادب والفن
    

أنت من الجــــنه طـايح ..

شــــــــى أكــــــيد ..

حــتى تســلب راحــتي أبدرب العـشـﮔ

عينك اســــــــرع عـين ..

بالـــــنظره تـصيد ..

العين مــن أتـصــيد ابـد مــا تلـــــــــّحـﮔ



** ** **

الله من صاغ الجـــمال ..

اختـصــره بـــيـك ..

يعني .. وحـدك أنت معــجـزة العــصــر

متـحـف اللــــوفـــــــــر ..

وكل ناسه تجـيك ..

احـزامك ايجوموه لأن طاف الخصـــر

وصفـّت غيرك .. طــلع ..

شـــعري ركــيــك ..

وصفـّت طولك طلع .. شـعـري .. شـعـر

مثـل جـــــــــيدك .. لا ..

ابد ما الـﮔـه جـيد ..

لوأدوّر أهــل الــغـرب وهـــل الــشــرﮔ





ها.. يابو أعيون الشهل ..

أنـــت الـــوحـــــيد ..

انتصــــرت أعيونك على أعيون الـزرﮔ



** ** **

ابمنطقــتـنه ســبـبـت ..

اكـــبر جـــــــــدال ..

رجــلك ابخـــطواتهه ودمــهــه الخفيف

لأن .. مـا تمــــــــشي ..

على الشارع محال ..

الشــارع احــتج ﮔـال تبلـيطي نظـــــيف

ليش ما تمشي علـّي ..

يأسمــر تــعـــــــال ..

ورفـع دعوه أبسـاع ضــد كل الرصيف

لأن أنت أبمـــــشيتك ..

نــــوعك فـــــــريد ..

احــجــولك أبـكل خطـوه معـزوفه تـدﮔ

الـعــــيد بــس يـمـك ..

صدﮔ يتسمى عـيد ..

الـعـيد يم غيرك ﭽذب .. لا .. مو صدﮔ



** ** **







أني كــون أو يـــاك ..

أطـــّـلـﮔ مستـحـــاي ..

وأنـت كــون أطـــّلـﮔ.. ويّّــاي الخجــل

حــتى اسـولـفـلــــك ..

غـزل دافـي ابشتاي ..

لأن مـو ياهو اليجي أيـسولف .. غــزل

بأيدك اذكر .. مـــره ..

شــلت اشويّه مـاي ..

طـاح مــن إطـراف اصابـيـعــك عـسـل

يعني .. بأيـدك مـــن ..

تجي أتسلم تــريــد ..

حـــتى غصـن الـيمي ورداتـه تــطــــﮔ

وأسـرع امنالضـــــؤ ..

أصيرًا .. كــلي أيد ..

ومــن تـهـز أيدي انــشلع مـن الــعـر ﮔ



** ** **

صــــوتك الموسيقى ..

بــي أحــلى نـغــم ..

يســحر اكبر شــخــص مـن أتــكــلــمه

خضرمه امنالحــسد ..

جـايـبلك .. قـسـم ..

حـسـدتك هـالنوب حـتى الخـــضـرمـــه





طولــك الـــــــهـيـبـه ..

صدك دوله وعلم ..

ودولتك بــيهه الـشـــفايف عاصــــــمه

منهه حتى اصياحــك ..

اعـتـبـرهه نـشيد ..

وانــي بس ويـاهه أظــل صـاحب خـلـﮔ

كـون أموتاً بـــــــيهه ..

واتـسمـّه شهــيد ..

هيـﭽـي أريدًا مــوتـتـي أبــدورة حــلـﮔ



** ** **

ولأن حاضــن زنـــد ..

أنعـم مـن حـــرير ..

ألــف هــنـياله القـمـيـص أللابــــــسه
ولأن خــــطواتـــــك ..

على التربه تسير ..

الـبحر أمـــنيته يــصــيـر اليابـــســــه

الهوه هـــم يتـمــنى ..

ابـد ماكــو زفــير ..

أبــريــتك أيــظل حتـى مــن تتـنـفـسـه

أذن ..حقي ابلـــهفه ..

أجـيلك مــن بعـيد ..

أوين واﮔــف أنت .. أوﮔــف واحــترﮔ





وأشـبـك الهــــــــوه ..

بأدي ومــا أهـيـد ..

وانـــي ادري الهوه ابـــد ما يـنـشبـﮔ



** ** **

أنت من الجنه طايح ..

شــــــــى أكــــــيد ..

حـــتى تسلب راحـتي أبدرب العـشـﮔ

عينك أســــرع عين ..

بالـــــنظره تـصيد ..

العين مــن أتــصيد ابـد مــا تلـــــّحـﮔ

#الشاعر_حسين_البهادلي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات