(( رسايلكم ))

جواد القابجي

الحوار المتمدن-العدد: 3027 - 2010 / 6 / 7 - 08:53
المحور: الادب والفن
    

هلي دزّوا الگلب چلمه ابرسايلكم

تحياتي الهلي الطيبين
هلي وصلت رسايلكم

شوگ اسنين
ومشابگ اويلچلمات
وقراها وَرِد أقره
اويرد بيَّ الحنين ابعيد
مشوار او أرد إلكم
رسايلكم .. صور منكم
غِدت زحمه علَى افكاري
صور ذيچ الحبيبه
اللي غزاها الحزن .. تذكاري
يا جرحي الچبير امعطّب ابناري
يظل يدِّي الجرح شوغات
بس ارسومكم ما فارگت بالي
ياهَم ماخذاك الصبر
وك إرحل
يا هَم مو خذاني الكبر .. جسمي انحَل

لَييييييييَمته السهر وعيونّا اتباري
اشو طالت الغربه اومالها تالي
هلي ماتنطفي ناري
هلي مكتوبكم ورسومكم سلوه
هلي چلماتكم حلوه
هيَّ ادواي .. هيَّ الماي
هيَّ الرِوَت عِزْ اضماي
عطش روحي اعله شوفتكم
عطشها اهواي .. روحي اتريد شوفتكم
نفر من الصبر گلبي او گصد يمكم
من غير الگلب چا بيش أسلّي الروح وذكركم
هلي دزّوا الگلب .. چلمه ابرسايلكم
*****************************
[email protected]

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات