حمامة بيت

حامد كعيد الجبوري

الحوار المتمدن-العدد: 3014 - 2010 / 5 / 25 - 00:13
المحور: الادب والفن
    

الى الصديق الراحل فاضل الربيعي
يعينك الله أشكد جنت ترسم أحلام
وياحلم يوصل حقيقه ويبتعد
يعينك الله وكل كتر منك أهموم
شلت هم الناس وهمومك تصد
عفيه كلبك ما عرف يحمل الغيض
يا حمامة بيت ما تحمل حقد
من كثر ما تعشك وتهوى الزهور
صرت أشوفك نبعه وأشتمك ورد
وبالزغر نتراهن أنهد الطيور
ونفرح أبكد الفرح لمن ترد
رضعنه حب الخير من صدر العراق
ومن حليب العافيه أبنفس النهد
مره جيتك معتني كاصد الدار
تيهت بابك ودلاني العكد
إبساع ضيعنه الفرح (يابو وهب)
سوره عالي وكل كتر منه يسد
أبعكد (باني)1 نركض العكد (البيات)2
نسأل البيبان وندور نشد
وين (فاضل) وين أحلام الزغار
ودع الخوان وأحبابه اليود
وين كتبك والسياسه والرفاق
وللحزب شريان بكليبك تشد
أمنحت عمرك من صدك يا بو (وهب)
سجلت تاريخ ودروبك سعد3
بحتفال الحزب أول بالحضور
تسمع أشعاري وتفرح من بعد
أبعينك أتأشر وأعرف ما تريد
مو لسانك كلبك أيكلي أعد
صاحبي ما تخلص أيام العجاف
أبير يوسف طحنه لا وارد يرد
يصيح يا بشراي ويذب الحبال
مو (زليخه) التشتر ي ! أنبعنه العبد
أعبرنه بير الظلم طحنه أبنص ظلام
أبهاويه ويا مكصد اللي ينكصد
صاحبي أخلد قريراً وأستراح
غيرنه الياكل وأحنه اللي نجد
***

1،2 : أزقة ، طرق في محلة الوردية / الحلة الفيحاء
3 : نبات بري له رائحة ذكية مطيبة للأفواه

#حامد_كعيد_الجبوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات