يا عراق البيك بيه ...

حسن حاتم المذكور

الحوار المتمدن-العدد: 3010 - 2010 / 5 / 20 - 21:36
المحور: الادب والفن
    

يـا عـراق ....
شمـا تصيـر بـعـيـد ادورنـك وطـن
ولـكـاك بـيـه شـكـد حـلـو
مـبـيـوﮒ لـكـن
..............
ويـن ادورك ... ؟
ونـتـه فـيـض بـعـطش روحـي
فـيـض مـا بـلـل سـنـيـنـي الـبـيـه مـرن
....................
ﭽـان عـنـوانـي الـجـنـوب
حـروفـه بـيـك تـقـسـمـن
حـصـه هـذا ... وحـصـه ذاك
والـبـﮕـايـه تـهـربـن
..............
شـلـون اجـيـك ... ؟
وانـه لا عـنـوان عـنـدي
والـدرب مـزروع خـوف
والـجـيـوش الـبـيـه تـاكـل
مـن لـحـم ذيـﭻ الـجـيـوش
وبـيـه نـخـلات الـسـلـف
بـﭽـن بـدمـوع الـطـيـور الـهـاجـرن
وﮔـلـوبهـن بالـديـره ضـلـن
..... ونـتـه تـدري
عـشـوشـهـن ... زغـارهـن... تـاريـخ اهـلـهـن
بـحـقـد بـارود الـعـروبـه تـفـجـرن
ونـتـه بـطـران بـزمـانـك يـا وطـن
مـن بـﮕـايـه الـمـامـش الـبـلـديـره تـطحـن
..................
هـا كـثـر مـريـت طـيـف ومـا لـﮕـيـتـك
ﭽـان مـوت ابـاب بـيـتـك
يـسـأل ﮔـلـوب الـتـحـبـك
يـدور الـمـمـنـوع بـيـهـن
ثـاري الـعـشـﮓ والـشـوﮒ الـك
ذنـي مـا مـسـمـوح بـيـهـن
حـتـى دمـعـات الـفـرح
نـﮕـول مـو مـالاتـنـه
ونـتـبـره مـنـهـن
...................
ونـتـه نـايـم بـيـك شـفـتـك
والـحـرامـيـه الـتـبـوﮒ دمـوع نـاسـك
عـلاسـهـم مـنـك وبـيـك
وفـوﮔـهـه ... مـن كـبـار بـيـتـك
............
والـيـحـبـك يـا وطــن
بـات مـكـسـور الـﮕـلـب
هـا كـثـر دورت عـنـك
ونـتـه بـحـلـوﮒ الـجـرايـد
ﭽـنـك انـتـه
الـلابـس الـدخـان ودمـوع الـضـحـايـا
ﭽـنـت انـتـه
وﭽـان تـاريـخ عـلـى بـاب الـدنـيـه
يـســأل ....؟
ويـن هــذا ... ؟
الـﭽـان شـمـس الـكـون
وشـغـيـر حـسـبـتـه
وصـار بـيـد الـغـرب شـمـعـه
تـواكـح بـلـيـل الـكـراهـيـه .. الكـره
وحـيـلـهـه مـن حـيـل دمـعـه
بـعـيـن مـجـروح بـوطـن
ضـيـع زمـانــه
وصـار لـلـواويـه زور
وسـيـد الـغـابـه الـيـشـور
شـورت بـيـه شـارتـه
ورضـه بجـراده قـسـمـتـه
مـا يـدري بـيـهـه بـيـا حـلـﮓ
يـجـوز مـا تـرضـه بـعـشـرتـه
مــو سـبـع .... هــذا
الـيـاخـذ مـن الواوي حـصـتـه
وذيـلـه بـيـن فـخـاذه مـتـوسـد ( ... تــه )
............
يـا زمـن
نـعـلـه عـلـى ذولـه الـخـلـفـوك
تـذل ابـو خـمـيـس بـيـتـه
وصـار سـالـوفـة شـمـاتـه
بـحـلـﮓ واويـة الـوكـت
...........
زغـرتـنـه يـا وطـن
وكـبـروا الـعـفـنـيـن بـيـك
ﭽـنـدوب نـمـشـي ويـاك لـيـل
الـصـبـح مـيـت بـيـن اديـك
..................
يـا عـراق الـبـيـك بـيـه
لا ذكـرنـه هـلال عـيـد
لا صـبـح مـر بـيـنـه جـيـه
ونـتـه بـيـه شـﮕـد بـعـيـد
وانــه مـتـوسـد شـواطـي الـغـربـه وحـشـه
ولـيـل روحــي يـنـتـظـر
جـيـتـك فـجـر
..................
يـا بـعـيـد حـﭽـيـهـه بـيـضـه
الـصـبـر مـا ضـل بـيـه صـبـر
هـم يـجـي بـالـك تـمـر
جـايـب نـده
يـبـلـل حـﭽـايـانـه الـسـمـر
... ونـﮕـول اجــه
ويـحـسـبـهـه مـمـنـون الـدمـع
لـلـروح جـيـه
وفـزن وي بـﮕـايـه الـعـمـر حـنـيـه
وضـوﮔـنـك وطـن بـيـه
وحـسـك يـا عـزيـز افـيـش بالـريـه
20/ 05 / 2010
ــــــــــ

#حسن_حاتم_المذكور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات