حامد كعيد الجبوري
الحوار المتمدن-العدد: 2961 - 2010 / 3 / 31 - 21:53
المحور:
الادب والفن
مهداة للحزب الشيوعي العراقي بعيده السادس والسبعين
أنتخبتك عن قناعه وعن وعي وإدراك
أنتخبتك بالعقل وأدري العقل حدي
أسمعتهم من حجوا يردون أبدل راي
وصوت أبراسي غنه وللفخر يحدي
كتله أبعقلي راضي لو كلت مجنون
وناعور العقل بالصالح أيبدي
خلكي خلك نمله العلمت القواد
على كسرة إشعيره أتجيب وتودي
سدرة مجد عالي أتظلل الثوار
وطبع غصن المجد للتايه أيسدي
نعم سدرة شموخ أتلاوي حلك الغيم
السدر عمره طويل وموسم البردي
كالوا مايفوز ولا تضيع الصوت
صحت آنه أنتخب لو أبقه بس وحدي
#حامد_كعيد_الجبوري (هاشتاغ)
كيف تدعم-ين الحوار المتمدن واليسار والعلمانية
على الانترنت؟