التجريد II

ريبر يوسف

الحوار المتمدن-العدد: 2903 - 2010 / 1 / 30 - 07:42
المحور: الادب والفن
    

التجريد II

ريبر يوسف



بالمحطة
حطني القطار
وطلع ضو قعد بمطرح ما كنت اتخيل انو في ضو
عم لاحظ
عم اتفقد عيوني
رفيت جفني اليمين وعديت المرات
عم يمشي القطار متل كان عندو رغبة انو يوصل خطين السكة ببعطعم
عم لاحظ
ما اقطع خيط النور بين ما كنت عم فكر فيه وبين الضو البردان
مش من عندي عم قول بردان
لا
اذا نزلت كم درجة بعرف انو
انو رح يرف خط رابع
بيني
لما كنت هناك
وبين الشرود
اللي كل لحظة عم يرجف ببالي
عم يجفف جناحاتو بمطرح مني
الشرود بيخليني بعينتين تنتين
دايما عم حس بايدو عم يضغط ع حالو بحالي
هو اوسع مني وعم يعيش جواتي متل مانو عم يحفّظني اسمو
عم امشي هلا
ع خطوات شخص مر من هون
التلج دايما يد الزمن

Sie haben gerade einen "Rrring!" gesendet!

عم حس بالتلج حتى بغيابو عم حس بالزمن حتى بغيابي

الضو نايم ع التلج

ما هو منو من صلبو
عم امشي وبعرف في قطار جنبي
ما ب سمع صوتو
هذا فحوى الوجود
ولا هو عم يسمع صوتي
هذا فحوى العدم

والضو النايم ع التلج هو خطوة حدا ما شافو
الضو ما عم يخلي التلج يذوب
عم تختلط الخطوات
كل الموجودات خطوة وحدة لكائن نحس فيه
و بس
هذا شكل التلج

الاحساس بترقق
خط خامس
ونحن وعم نلتفت للضو عم نبللو
عم امشي هلا
متل ماني هلا تعرفت ع شجرتين بيعلوني عن حالي
عم تمسح خطوتي
خطوة حدا
المرأة الكبيرة في العمر
او عم تتهيأ لي كبيرة لاني اتفقدها بنظرة الليل
الليل زمن
بينكتب بس ما بينشاف
عم تزيح التلج عن بلور سيارتها
عم شوفها هلا
المرأة
تنفض التلج عن اشجارها
تسوق سيارتها بدون انارة
رقعة تلج صغيرة عم تخرج من بياضها
البياض شكل

تدخل ف بياض عيني

انا ضو ابيض
لاني كنت هون قبل لحظات
طلع ضو قعد بمطرح ما كنت اتخيل في ضو هناك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


برلين

10-00-00

#ريبر_يوسف (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات