يا ريت لو عمري يكفيك

غريد الشرق

الحوار المتمدن-العدد: 2807 - 2009 / 10 / 22 - 01:51
المحور: الادب والفن
    

يا ريت لو عمري يكفيك
لضم آهاتك عصدري
وبروحي أفديك
كل لحظة تمر ونتا بعيد عني
أحسها ليلة غريبة ....
بدها تخطف فرحتي مني
وتخليني أتقلب
عجمر النار مستنيك
آه يا حبيبي آه
لما أسمع دقات قلبك أحن
وأظل أنادي وأقول
وينك حبيبي وينك
والله عقلي كرمالك راح يجن
يا ريت لو عمري يكفيك
لعطيك كل أيامي
وكمان ضمة ورد أهديك
شايف حبيبي شايف
الناس صارت قلوبها
مثل الحجر
ياما جار علينا هالبشر
أصبر حبيبي أصبر
بعرف إنك مشتاق لتراب الوطن
لتشم ريحته وتغزل من خيوط الشمس
إلك شال وشقفة كفن
وبعرف إنك مشتاق لليل والنجوم والسهر
والقهوة السمرة بلون الوطن
تنشربها سوا على ضي القمر
ليحلى بوجودك السمر
آه يا حبيبي آه
لا تخلي تنهيداتك إتبكي ليالينا
وأحزانا إضيع أمانينا
نحنا راجعينلك يا وطن عرجلينا
لنغنيلك ميجنا وبترابك إنحني إيدينا

#غريد_الشرق (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات