اشتاكيت الك

حيدر الحيدر

الحوار المتمدن-العدد: 2783 - 2009 / 9 / 28 - 11:55
المحور: الادب والفن
    

اشتـاكيـت إلك نار وجمـر شـوك الليـــــــالي للبـدر
شــوك السـنابـل للفجــــر شـوك الشـفايف للثـغــر
شـوك الجفوف الحالمــه هلبـت يطاوعهـن خـصـر
شوك اليِّـود لحـظة غفــو بسفح الجبل حدر الصدر
اشتاكيت إلك وإنته البحر دوخـني بالمـد والجــــزر
اشتاكيت إلك من جم سنه وآنـه على النـار انتـظــر
ايــــــــوب مَلْ وصـابرت حـتى جـزع منـي الصبـر
طيــفك يمـــــر بكل وكت مطــبوع رسمك بالفكـــر
آنــــــه وخيـــالك والقلم يملـي دواويـــــن الشعر
كل ساعه اذكرك وانتحب دمعاتي اعصرهـن حبـر
وإنتــه متـدري بحـــالتي وكليبـي لجلــك منفطـــر

***
اشلـون اوصفك بلحسن يوسف غده الحسنك نِذر
شوصف جمالك يا ترف رمـان وخــدودك حُمــــر
وشفــافك إتـنكط دبـــس مدري إنصنع من يا تمر
واسنانك إتـلالي وتشـع من تبتسم تحـوي السحر
وعيــونك عيـون المـها ونظـــراتهن خنجر شمــر
بحواجبــك تــاه الوصف بيهن لغــــــــز ما ينحزر
والوجنـه سبحأن إلجعَل الماس معجـون إبتبــــــر
والكـذله هلهــولة حقــل مَحله سنابـلهه الصـفـــر
والصدر روضه زاهيــه والنهـد فايـــــح بلعطـــــر
والخصر من تمشي غنج أفديـــك أنـا بكـل العمــــر
***
اشتاكيت إلك وإنته إبعلو وآنــه إبأرض ما تنشبــــر
والعايـش بعــــالي النجـم مَيشـــوف مدفـون إبكبـــر
إنته النهر وآنه العطــش والوصل مكطـوع الجســر
إنتـه ارقــــــــام إمْحيــره وآنـه عـلى اليسره صـــفر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حيدر الحيدر ـــــــ البصرة في 1/ شباط / 1973

#حيدر_الحيدر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات