كريم تويج
الحوار المتمدن-العدد: 2624 - 2009 / 4 / 22 - 07:15
المحور:
الادب والفن
بلايه شراع
كتبت اشعار وحبج جان الهامي
كتبت اشعار وكربج منيت أحلامي
وانه الحبج نهر جاري ولاداري لطعم شفتج أظل ظامي ...؟
ينكاط العسل ممزوج بالحمره وأحس دافي
وكل رشف بحلات الشوك أظل غافي
ولا اصحه وأظل غافي
واذا أصحه ......أضم بالروح أسراري
ورد اكتب حرف اسمج عله شفافي
وطش بدربج أزهاري وأخط باسمج أشعاري
من اكتب شعر فد يوم انتيأوراقي واقلامي ....؟
اظل مبحر بلايه شراع
ضايع يلتمس
مرسه تظن انسه
أبد منسه صوتي يردد بحسه
اظل ولهان اظل محتار حبج صار
يموتني ويرد انوب يحيني
واشيل بكلبي آلامي
شلم بالروح يامحبوب
ذراني وسط الدروب
هيمني وابد ماتوب
ومن حبج أشيل ذنوب
ابد ماتوب لان وياج هسه ضكت أيامي
#كريم_تويج (هاشتاغ)
كيف تدعم-ين الحوار المتمدن واليسار والعلمانية
على الانترنت؟