شباچ...

سامي عبد المنعم

الحوار المتمدن-العدد: 2622 - 2009 / 4 / 20 - 03:15
المحور: الادب والفن

جيت اهزك ..
ياحزن شباچ بيتي
الفارگيته اسنين يابو اسنين
بس ما فارگاني
جيت اهزك .. واگعد انه وياك
بس الدمع وازاني وخنگني
وابخجل دگيت باب البيت وارجف
چني مو انه اليدگ الباب هوه اللي يدگني
واستحيت اكثر بعد ..
لمن سمعت الصوت ما بي ريحة امي
ابتعدت ..
مدري متر مترين ..
بس اشويه غاد
ودارت ابراسي السنين ابلحضه وحده
جيت انشد عن حمامات السطح
وچف الحبيبه اليدگ شباچي ابتوالي الليل
وانشد ..
انشد .. انشد
كبر جرحي ولا اضن بعد ينشد
ولا واحد ابوكت الضيج ينشد
مثل طير ابقفص محبوس ينشد
يونس الناس وابروحه الاذيه
دنگ الباب ابخشوع ...
وگال هسه اتذكريتك
هذا بيتك
هسه توني اتذكريتك
وسالت الرزه دمع شذري على العتبه
وبچه السرگي..
فتح روحه وطلع يتلگاني بره الباب
انه والسرگي تشابگنه لقاء احباب
واشتكالي ..
گال صار اسنين اتاني
حته هاي الرزه طاحت صفح من سولة حزنها
ورفضت اتعاشر وراكم قفل ثاني
وهسه گتله .. انه هسه ابلايه رزه ولا قفل
ياهو اليرجعني المكاني

----------------
المانبا -قلعة سكر

#سامي_عبد_المنعم (هاشتاغ)

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات

رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -

تعليقات الفيسبوك () تعليقات الحوار المتمدن (0)

التسلسل: 1 العدد: 19236 - جميل

2009 / 4 / 19 - 23:36
التحكم: الحوار المتمدن ع.د.؛

عاش حلكَك
وكأنني أقرأ لمظفر في جودة الصورة، فهنالك عبارات مظفرية
جيت أهزك - جيت أهزك يا عَمَدْ بيتي
من مفردات مظفر هناك في بيت واحد ثلاث: الرزة - شذري - العتبة
انها ملك الجميع لكنها تتكرر لديه في صوره فصارت جزءا منه
هناك أخرى طبعا فالوزن في حمامات السطح يذكـّر بحمامات السجن،أي حنة إلي وحنة إلك واللي يعجبه خل يحن، أنت تدري ما أعني
لدي ملاحظات أخرى
الصورة في الأسطر الأخيرة رائعة، مستقلة عن مظفر، وهي من سمات شعرك أنت، خاصة بك وحدك رغم أنها هي الأخرى تذكرني بـ
يا مفتاح فضة وما رهم غيرك عليْ مفتاح
بيت الأبوذية في الوسط يدلل على قدرتك في هذا الجانرا، أي النوع الأدبي، لكني أرى وضعه في مكان آخر، أي حذفه من هنا
في السطر الحادي عشر كلمة ابتعدت تكون موزونة إذا تم إلحاقها بالبيت السابق مباشرة، لا أن تكون وحدها
بدون مؤاخذة إذا لـُحنت ستكون أغنية ناجحة، لأن حزنها أصيل
أرجو الاستمرار
عبدالله الداخل

إرسال شكوى على هذا التعليق 60 أعجبنى المزيد-الاشراك

* الاسم الثنائي او الثلاثي

* البريد الالكتروني

* عنوان التعليق

التعـلـيـق

عدد الحروف المتبقية

الاسم يجب ان يكون الثنائي او الثلاثي و بالعربية فقط ولاتقبل الاسماء الرمزية
أعلمني عن التعليقات الجديدة على الموضوع

| نسخة قابلة للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
عدد الموضوعات المقروءة في الموقع الى الان : 4,294,967,295