لا يعويش

حسين جهيد الحافظ

الحوار المتمدن-العدد: 2580 - 2009 / 3 / 9 - 03:32
المحور: الادب والفن
    

بعد ما وضعت الانتخابات أوزارها
وآلت ما آلت اليه أقول :-
لا ترتاب ..!
لا يعويش لا تهتم
اِنته اِعله الجره اِمعلم
واِهي كبوة جواد
وهاي معروفه
فلا يعويش تتوهم
من يكبو الجواد اِيگوم
بس شيگوم ؟
بترب الحوافر دنيه تتيمم
لا يعويش لا تهتم
شمس والشمس
هم تنكسف لازم يوم
بس طبع الشمس
ما يوم تتندم
لا ترتاب .. !
لا يعويش لا تهتم
يطبع الگاع ..عمر الگاع
واِشما صار
ما فد يوم تتألم
يالخلگ بحر .. يالعبرت ياما
نار اِعله اليضد
واِعله اليحب بلسم
يزواگة عرس
يمراية اِحديثات
يا ديرم الشفه ابفرح تتوسم
يا نسمة اِعذيبي
ويا عطر ( ريموند )
يا ماي الزلال
ويا عذب زمزم
لا ترتاب
لا تهتم
يعويش الوكت
صح سيف ما يرحم
يا سن الصخر
چلت اِوياك اِسيوف
يا سيف اليهومك يرد يتهشم
لا ترتاب
لا يعويش لا تهتم
اِخذ من هاي .. !
عبره وعينك اِعله الجاي
طبع الجاي نور
ولا تظن أظلم
لا يعويش
لا ترتاب
لا ترتاب
لا تهتم
يا غوث الصريخ
ونخوة الحشم
گلبت اِحروف اِسمك
موش أخذني الخوف
ولا قصدي
أريد الناس تتمهم
بس اِحروف اِسمك حيل
زود وحيل
واِبهالحيل قلمي راد يتشيم

#حسين_جهيد_الحافظ (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات