جواد القابجي
الحوار المتمدن-العدد: 2509 - 2008 / 12 / 28 - 05:54
المحور:
الادب والفن
انتخب يبن الشعب لا وكتك ايفوتك
حبك او كَلبك سوه جمِّعهم ابصوتك
************
اختار فكِّر عدل من أجل كل الناس
انتخب عندك عقل وتوازنه ابمقياس
جرَّبنه شفنه كَبل طلعوا بلا احساس
******* مصَّوا ابدمنه شفت وتقاسموا قوتك
خليك صاحي يخي كافي تظل نايم
والله شبعنه قهر من بعضِ لبهايم
اطلب نزاهة اوصدق اطلب سلم دايم
********* صوتك يحقق أمل انتخب قايمْتك
انتخب كلشي يخص بالحزب الشيوعي
هوّه أمل نصرتك لا تندم او تلعي
لاتبرد انهض يخي والخير لليسعي
********* لا تنلدغ من جُحر مرتين شد هِمتك
لاطائفيه اوجهل نصنع اعراق اجديد
والمايحب الوطن مرفوض يبقه ابعيد
صوِّت إلكلمن شِهِم ويّاك إيد ابئيد
********** صوّت الصوت الشعب لخْوِتك وخواتك
انتخب يبن الشعب لا وكتك ايفوتك
حبّك او كَلبك سوه جمّعهم ابصوتك
#جواد_القابجي (هاشتاغ)
الحوار المتمدن مشروع
تطوعي مستقل يسعى لنشر قيم الحرية، العدالة الاجتماعية، والمساواة في العالم
العربي. ولضمان استمراره واستقلاليته، يعتمد بشكل كامل على دعمكم.
ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في
استمرار هذا المنبر الحر والمستقل، ليبقى صوتًا قويًا للفكر اليساري والتقدمي،
انقر هنا للاطلاع على معلومات التحويل والمشاركة
في دعم هذا المشروع.
كيف تدعم-ين الحوار المتمدن واليسار والعلمانية
على الانترنت؟