ايام البيوت

رحيم الغالبي

الحوار المتمدن-العدد: 2463 - 2008 / 11 / 12 - 06:15
المحور: الادب والفن
    

( 1 )
بعيد .. وكلّش بعيد
ارسم عيوني . . شبابيج اعله بيتك
والدواير. . تزغر بروحي
وترد تكبر....
اريدنّك جديد،
تضوي مصباح العصر
- وآنه حديقه - تضوي ّبي
ضحكتك..كذله ربيعيّه
اكلك حيل اكرهني ، احبك .. حيل
ولو حبك : مدينه تصير بيها السجج
شرطه وليل
اطوّل وكفتي بدربك ،
ولو حبك عذابات....وبجي..!!
صارت السكته مفاتيح المضيعه
بيا كتر باب الحجي ....!!

(2 )
اجيتك ارد بالوحشه...مهر
كالولك نهر يمشي عكس ممشاه
جي ضيّع مصبه وما بعد يلكاه
اكول الهم :
نهر ... من يرجع بشوكه
يغمك بالعشك مجراه
بحلم باجر يبوسك ،
يدفه باللذه...
تطيح الوحشه كلها اوياه

(3 )

اجيتك..ارد بالوحشه ..
مهر ، وامضيع الواهس
مهر... حزنه
يلاكي الدنية ويعاكس
مهر...
خله مواعيدك رسن
. . وعيونك الفارس

( 4 )
اجيتك ارد بالوحشه مهر
مهموم...
مهموم
يذب خطواته بالممشه ن
مسارات
اذبن حزني من اليوم
وبساتين العماره للفرات...
يمتدن جسر ثورة ....واشارات
اذبن حزني من اليوم ،
وابيار الحزن - لو فرحن - ايصيرن منارات....!!

نشرت في طريق الشعب 1974

#رحيم_الغالبي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات