عشر سنوات

حسين جهيد الحافظ

الحوار المتمدن-العدد: 2462 - 2008 / 11 / 11 - 06:39
المحور: الادب والفن
    

حب عشرة اِسنين اِنتهى
اِشلون اِنتهى ويّاك ما أدري
واِشلون صبري گدر عفيه اِشكبر صبري
وعفيه اِعله گلبي اِشگد صلف واِتحمل اليجري
واِنته ولا چن لك علم .. يالضيعت عمري
ظليت دون الخلگ محتار من أمري
ظليت أخلق عذر وأقبل أنه اِبعذري
الونه صارت سوله اِلي وي النبض تسري
وهاليوم جايب اِبغنج اِتراويني شنهو اِنته
مبروك بويه الك خلي الحچي سكته
وخلني اِعله حالي أظل خل گلبي اِو ونته
وخل العليل اِبعلته ما تگدر العلته
روح اِبتعد عن سچتي كلمن واِل سچته
وكلمن اِبدربه رضه ويمشي اِعله شاكلته
اِنته اِخترتلك درب ودربي آنه اِخترته
حچي الغنج والرهدنه راح وخلص وكته
عنّي اِبتعد ما أرد خليني اِو حالي
عذالي توهم نسوا لاتدري عذّالي
اِيردون خايب تره وآنه خلگ مالي
گاضيني ظيم الوكت كافي العله بالي
خليني هيچي أظل خليني هيچ أأمن
اِتركتي أحسن الك والگلبي هم أحسن
اِشيسوه هو العمر واِشظل بعد منه
حته نرد للعشگ واِنسامر الونه
وك خلصن اِسنين العمر ظلن تواليه
مليت درب العشگ ما ريد طاريه
ولا ِريد عاذل يمر وأسمع محاچيه
مرتاح خلني أظل ألعب مثل ما ريد
بالحزن أرسم فرح عاشور أسويه عيد
الينهاني أگلهه اِبتعد خلليني وي فكري
ناسي السنين المضت چني ولا أدري

#حسين_جهيد_الحافظ (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات