من أدب الايميل: نماذج من رسائل الصديق الروسي

شادية عسكر

الحوار المتمدن-العدد: 2432 - 2008 / 10 / 12 - 08:42
المحور: الادب والفن
    

ايميل 1
عزيزتي شادية
كل حصة بعد الظهر راحت والاستاذ يشرح المثل "ان فاتك الميري اتمرغ في ترابه"
ماشي مع دماغة المصريين
وحشتني دمشق والمعهد
وكلمت موسكو عشان اطلع دمشق مرة ثانية.
القاهرة زحمة وخانقة. والزبالة والشحاتين في كل مكان.
امبارح اتنشلت وأنا راكب الأاتوبيس راجع للشقة.
كيف أخبارك؟؟
احترامي
ألكسندر
_________________
ايميل 2
شادية ازيك؟
احلى حاجة في مصر الرغي
بيرغوا اكثر من الناس في سوريا
قبل يومين جلست مع .... الصحفي وشوية شباب كويسة من حركة كفاية.
حكينا سياسة على الأرجيلة.
لايصدقون بخلافة جمال مبارك.
أنا خلاص استوعبت شوية شوية التفكير المصري.
فيه حراك في مصر بس بدون مفاعيل خالص.
الروابط اللي بعثتيهم مابيفتحوا
احترامي
ألكسندر
____________________

ايميل 3
شادية
أنا لسه موش مستوعب حكاية الولد الحرصي المقتول
دخلت على موقع ايلاف بس فيه لخبطة في دماغي
بس لسه فيه المحكمة العليا زي مافهمت
شادية أنا متصور أنه العالم العربي رايح في موجة دينية كبيرة لو كانو كلهم زي مصر
هنا كل اللي بشوفهم متحجبين
فيه صحفية من روز اليوسف اسمها ...... ورتني فيديو عن القاهرة سنة 1971 موش قادر اتخيل النظافة والشياكة والموضة اللي لابسينه الستات
_____________________
ايميل 4
شادية
استعرت من مكتبة المعهد خواطر الدبلوماسي المصري اللي حكيتك عنه
ضحكت على أفكاره عن روسيا.
مشفش في روسيا حاجة حلوة غير الفودكا والبنات الحلوين
لكن هو قال خواطر يمكن قاصد حاجات بسيطة ليست متعمقة
وبرضو في روسيا نحن نعتقد ان هذا التفكير العربي بيروح دايما على الشرب والستات
فيه بحث مطلوب منا في درس كرنت افيرز فكنت حاب أعمل شي عن دول الخليج أو السعودية
اش رايك بس والنبي بعديني عن النفط
صار في الموضوع زحمة من الطلبة

تحية كبيرة من ألكسندر
________________________
ايميل 5
شادية
شفت البرنامج وموش متأكد اني فهمت كل اللي قاله السيد جمال البنا
القرآنيون عندوهم مشاكل زي غيرهم. ويمكن مشاكلهم اكبر
الحل في العالم العربي هو العلمانية
من الان إلى مئة سنة ثانية مفيش غير العلمانية
بس مؤمن ان العرب حيدفعوا الضريبة زي أوروبا مادفعت

ألكسندر
_____________________
ايميل 6
عزيزتي شادية
انا معاك ميه الميه في كلامك عن السيد عادل امام
برضو في روسيا وفي كل العالم بيكون الممثل صديق السلطة لو هما متفقين
الفنانين والمثقفين في مصر مابيعملوش كثير للديمقراطية
ولا في سوريا
أنا جاتني ايميلات عن المحبوسين في سوريا بس ايميلات موش أكثر
بذرة المجتمعات المدنية لسه صغيرة ومحتاجة جهود وضغط من برا
من امريكا بالزات

تحية من قلب
ألكسندر
____________________
ايميل 7
شادية
شفت فلم مرجان مرجان
تهريج لو تزعلي ؟
الناس فاسدة لأن السلطة فاسدة
بطلوا تحاكموا الناس في الشارع والشغل والمدارس على اخطاء جاية من فوق
من الهرم
لما اخش النت أقرأ كلام حلو وكثير عن الشفافية والاصلاح والحرية
بس الناس هنا ويمكن أكثر العرب تعبانة
تفتكري ليه يا شادية؟
المصريين بيتضاربوا جنب الفرن
همهم رغيف العيش
وهم اللي طلعوا في يوم حضارة الفراعنة

ألكسندر
_________________________
ايميل 8
شادية

صحيح انا معاك فيه ناس تكتب كويس عن العلمانية
ناس فاهمين الموضوع
رضوان السيد أو سعدالدين ابراهيم
بس لسه فيه كلام كثير واللخبطة أكثر
كل الناس اللي أقابلهم يظنوا إن العلمانية تعني الكفر وانها مؤامرة من الغرب ضد الاسلام

المثقفين المصريين ساعات بيقولوا خلاص انهم يئسوا زي الغيطاني مثلا
بيشوفوا أن مصر التنويرية راحت خلاص قدام الموجات البشرية الراجعة من الخليج والسعودية بالزات.
أنا دايما بخلي مساحة للأمل عشان بكرة

تحية من ألكسندر
_______________
ايميل 9
شادية
أخذني سكرتير في المعهد حتى أشوف الروسيات بيرقصوا شرقي
بظن حاجة زي الرقيق الابيض
كانت عمر البنت لما سألت عنها 21 سنة
قالي مجدي دا مناسب للبحث على القليلة حاجة من بلدك
كان أسبوع كله لخبطة في لخبطة
جا على المعهد واحد من اليمن وفي المحاضرة كل االطلبة عملوا دوشة بيسألوه عن القات.
فهمت انه في اليمن زي الحشيش هنا
على القليلة دعاية
____________________
ايميل 10
عزيزتي شادية

لمأ سألتك عن أغاني كلاسيكية وخفيفة
مكنتش أعرف الست فايزة أحمد
أشكرك
اليوم اتفرجت على فيديو الراعي والنساء
وافتكرت كلام أندريه عن الايقونة = الست سعاد حسني

الناس في مصر تعبانة جدا يا شادية
والاسعار مولعة
شفت قبل كم يوم ............. أظنك تعرفيه
قالي لحمة الحمير تتقدم في فنادق خمس نجوم
طبعا بيهزر

تحية من قلب
الكسندر
____________________________
ايميل 11
شادية
يمكن الفارق بيني وبينكم أني أقدر اتكلم عالي وأقول أني ملحد وارجع أنام في شقتي بسلام
مفيش حد ممكن يعتدي علي
شادية سؤالك انا موش قادر أجاوبك عليه
الأديان يمكن تكون حل نفسي لبعض الناس لكن يمكن تكون لناس ثانية هي المرض
بس الأديان جرت وبال على كل العالم
الناس بيتحاربوا والعيال يموتوا والبيوت تتهدم علشان الفكرة الدينية
تاريخ المسيحية كله كان أسود
وتاريخ الاسلام أسود برضو
هما بيقولوا الدين يجيب أمن وسلام روحي وسعادة
بس الحقيقة اللي شايفينها أن الدين يجيب مصايب كثيرة.

تحية
ألكسندر
________________________
ايميل 12
شفت الخبر الجديد وحزنت
بوصي اللي يقرأ من بعيد زيي ويسمع
تطلع في راسه حاجة وحده
ان الناس دول = بوليس آداب زي اللي في مصر
بس الفرق المهم والكبير انهم عندكم زي دوله برا القانون
في مصر موش مفلوتين وعندهم قانون لانهم شرطة مدنية
واسمحي لي انا كروسي موش قادر أتصور شرطة دينية
في أفغانستان وباكستان وايران والسعودية كل مراكز القوة الدينية لازم تكون تحت سيطرت الدولة
مفيش حل ثاني
ومفيش كلام عن العالم العربي والاسلامي
فيه اختلافات قوية
لما نشوف دبي أو تونس أو ماليزيا نعرف

تحية
ألكسندر
____________________________
ايميل 13
شادية.

75% من ستات مصر بيتعرضوا للتحرش لما بيطلعوا من البيت
يمكن أكثر حته في الأتوبيس
دايما أشوف الرجالة بتلمس الست أو ........... أو تتلزق أو ينحشروا بين الستات
أنا موش عارف يبقى شعور الست أيه في اللحظة؟
بس أكثر الستات بيسكتوا
شوية منهم يضربوا أو يزعقوا
يمكن الست في كل الدنيا يتحرشوا معاها
بس في مصر أكثر ويكونوا مفضوحين قدام الناس
الكبت أكبر مشكلة
شوفي الانفجار لما طلعت الروسية تبيع نفسها في أوربا والشرق الأوسط
جيل ماما لسه بيلبسوا بالطوا وهم طالعين
أخر نفس للشيوعية

تحية من ألكسندر

#شادية_عسكر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات