تحيات الى عامل اِسمه آيار

حسين جهيد الحافظ

الحوار المتمدن-العدد: 2268 - 2008 / 5 / 1 - 08:37
المحور: الادب والفن
    

إلى روح الشهيد الشيوعي العامل البصري الأسمر هندال
بمناسبة الأول من آيار عيد العمال العالمي

الليل واِعيون النشامه
آهات .... واِهموم ... وصبح
والسچاچين الخبيثه
اِطيوف نامت شوگ ... متوسده الجرح
والنهار اِشكثر باگوا من ضواه
رادوا اِيردونه ليل
لكن الرادوه... أبداً ما يصح
يلي طبعك ... يشهد التاريخ
من طبع الملح
شايل الضدين ... حبوب ووكح
اِشلون أوصفك بيك واِنته
اِنته زعلان وصلح
اِشكثر بي الناس لامت
گالت اليمشي اِويه دربك دوم خاسر
گلت مارايد ربح
وگلت اِحنه .... ومن طبعنه
عادة المحبوب عدنه
اِيصير گمريه وضوه
اِيصير بالچفين حنّه
اِيصير كل نگلة جدم تنگط محنه
اِشلون أوصفك و اِنته جنّه
رغم گالوا اِنته نار
وآنه أدري الليل بيدك من تريده
اِيصير بعيونك نهار
واِنته حلمك من تنشره
اِيصير بستان .... وحديقه
ومدرسه ... ومعمل ... ودار
وصوت چاكوچك أغاني
وبسمه بشفاف الزغار
وبين جفينك الدنيه
ومشيتك ترسم خضار
بدلتك بالحب حضاره
اِتفيض بالشطين دهله
ويحضن اِبشوكه الفرات اِهموم دجله
الشعب اِبعيونك قصيده
وبيك تتباهه المعامل
الدنيه مو دنيه اِبغيرك
والحضاره مو حضاره
الما تجي اِمن اِچفوف عامل
بين اِديك وبين چاكوچك محنه
زفه واِدفوف وهلاهل
يالنذرت اِسنين عمرك
سچه للأجدام الوطن
اِي وحگك لا وحگ ساحة اِمتونك
واِشكثر شالت محن
قسم ب ( اِضراب شيكاغو )
ودم أهلنه ( اِبكورباغي )
الطرز اِمتون الزمن
العراق اِيظل عراق وما يذل
واِنته ذاك اِنته تظل بيه الشمس
ويبقن اِزنودك اِزنود
وما يمر بيهن وهن
ما يمر بيييييييهن وهن

#حسين_جهيد_الحافظ (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات