(( آذار .. الحز ب والناس ))

جواد القابجي

الحوار المتمدن-العدد: 2229 - 2008 / 3 / 23 - 04:09
المحور: الادب والفن
    

إجه آذار الننطره من زمان ..
او خضّرت كل البساتين الجميله ..
اوزهت ألوان المحبّه ..
بيهه لون الانتفاضه ..
او بيهه يوم اثمانيه.. اليزهي جمال ..
يوم للمرأه العظيمه ..
موش بس شدّة ورد .. ألهه كل ارياضنه .. الحلوه ورود ..
هذا آذار الجميل ..
بيه نوروز المحبه .. التزهي بيه أفراحنه ..او بي ربيع ارواحنه ..
أوبيه كل عام الحزب ..يرجع شباب ..
بي فهدنه .. او بيده جاكوجه او يلوح ابمنجله ..
ياهله ابآذار .. أهلاً ياهله ..
اوطفرت ادموع الفرح ..
تغسل اوجوه الصباحات الجميله ..
اوليله ليله ..
الكَمر والنجمات داير روسنه اتغنّي الاصيله ..
ياهلابَك .. ياهله ابآذارنه ..
نجمه نجمه إلتمّن الحلوات .. غنن للعراق ..
أحله غنّيوات .. غنن ياعراق ..
***************
إلميلادك حبيبي ..
نشعل امشاعل ..
وإنوج ما نطفّي اشموع ..
ونخلّي الشموع اتكَوم تتبختر ..
حي بستان .. ورد أزهر ..
اولو تقطف الورده .. ابساع تلكَه امجانهه خضّر ..

السنين اتمر سريع .. او انتَ ماتكبر ..
تبقه انتَ الشباب .. ابروضك اليزهر ..
يارمز النضال البيك .. ظل طول العمر أخضر ..
نصير اعله المنايه اجسور
احنه انصيرلك .. معبر ..
يالمن الصعاب اثكَال .. مرّت ونتَ سبع البر ..
تظل رغم اليضّدك شاب .. طال العمر يو كَصّر ..

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات