سيفك كنز

كاظم جابرالسماوي

الحوار المتمدن-العدد: 2140 - 2007 / 12 / 25 - 09:39
المحور: الادب والفن
    

ياچذب طيف النهارالماصبغ جفني ابطرز
بارد ابزيبگ ضوه العين وتجفلني وافز
ياجحيل شباط مرني ابحلم دافي
تكفر العثره اعله جدم اليمشي حافي
واشتهي السيف اليطك سنه الجحيل
چنت اضم اسنوني من فشلة ذليل
وابچي چف ورايه والمدمع يسيل
وسيفك ابجرة جفن عيني كنز
شايل بكل گطره ثوره
ووگع بكل دمعه كفره
وارفس ابحظنك نحر والدم ينز
چنت اسولفلك نبي واضحك بلاغه
ويفتره سنك على المبسم صليب
وچنت تتهمني بسواد الليل شهوه
وطيف نشوه
واعصر اشفافك حليب
والبراءه بثوبي واليحلفلي ذيب
اه ياتعب الشواطي شما تفيض اعليك يلگاها المرز
واجمد ابفيك خيال
واصفه بعيونك زلال
صوچ الاجدام العله الحنظل تدوس
مادرت تلوي اللسان وتجمد الشفه التبوس
ويبگه بس سيف البرد بالدم يحز

#كاظم_جابرالسماوي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات