ذبلانه الحديقه وظلت الورده..(الى كاظم غيلان اليساري بحده )

رحيم الغالبي

الحوار المتمدن-العدد: 2107 - 2007 / 11 / 22 - 09:03
المحور: الادب والفن
    

ابتسم...
طاح الكمر يم النهر وحده
محد حرّكه...
بس ابتسامه من الحبيبه
الماذبت من الغصن وحده
ذاب الغصن
ذابت حديقة عمري ...
بس ظلت الورده ابوحشه منفرده
مو هذا الزمن بارد وحار...
ومو زمن حدّه
_ياكاظم _
ملينه اجيوب كل اعمارنه من الخوف والردّه
- يكاظم -
راحت الحدّه ورفض كل القباحه
البشعر والبسياسه
وصار جسر - الحربوات –ايوصلهم جرف آخر
بس نهر النظافه البيك والبينه
محد يكدر ايسده
ولادجله وفرات..اتآمرت عالسده
من يازمن ؟
ارض الجواهري ومظفرالنواب
وبلند الحيدري نصب ا لحريه وجواد سليم
والسياب
تصبح بؤره للارهاب؟
جم مره صحت دنيه ابسمانه
واهلال النريده ...غاب
كطرة ماي مابين الاصابع
ردت اضمها ..
وضاعت كل سنيني
اتفصلت ...كيعان
مجدبه من الزرع ...
مامش (مامش ابمامش )*
والحصاد اتراب

#رحيم_الغالبي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات