شاطر .... شاطر ....

راسم عبيدات

الحوار المتمدن-العدد: 2015 - 2007 / 8 / 22 - 10:41
المحور: كتابات ساخرة
    

.... هذا مقطع من اغنية للمطربة نانسي عجرم، غنتها للأطفال وللبراءة، ورغم ملاحظاتي وانتقادي على الفن الذي تقدمه نانسي عجرم، هذا الفن في ظل التغول والتوحش العولمي، أصبح بلا مضامين ويعتمد على العري والدلع والغنج وغيرها، إلا أن نانسي عجرم وكلمة حق لا يراد بها باطل، وفي المؤتمر الصحفي الذي عقدته على هامش مشاركتها في مهرجان جرش الفني، عبرت عن موقف عروبي أصيل رافض للتطبيع، عندما رفضت الرد على أسئلة الصحفية الإسرائيلية، وطلبت من الأمن إخراجها من القاعة، وموقف نانسي هذا لا يجرؤ عليه، الكثير من الزعامات العربية "بقدها وقديدها"، والتي تتهافت على التطبيع، تهافت الطحالب على العملة التالفة، وبالعودة إلى مقطع شاطر .. شاطر من أغنية نانسي " شخبط شاخبيط "، والتي تدعو فيها نانسي الأطفال الى سماع واحترام كلام اهلهم وإحترام معلميهم والنجاح في دروسهم، من خلال ترديد مقطع شاطر ... شاطر .....، وهذا المقطع من الأغنية تم دبلجته وتداوله، عبر البريد الألكتروني، حيث تقوم بدور نانسي مع فارق التشبيه شكلاً ومضموناً " رايس " وزيرة الخارجية الأمريكية ، ويقوم بدور الأطفال زعماء دول ما يسمى محور الإعتدال العربي ، هؤلاء الزعماء ومعهم كل العرب الذي ينفذون السياسات والتعليمات الأمريكية، ويخدمون مصالحها واهدافها وأجنداتها، يجري التعامل معهم وفق مقطع أغنية نانسي شاطر.. شاطر ... ، فعلى سبيل المثال وهنا الأمثلة لا حصر لها، إللي بيسمع كلام عمتو " رايس " شو بنقولو شاطر ... شاطر، وإللي بطيع وبنفذ تعليمات وأوامر بابا " بوش " شو بنقولو شاطر ... شاطر، وإللي بشيد بديمقراطيته في أفغانستان والعراق ولبنان، شو بنقولو شاطر ... شاطر، وإللي بدعم وبأييد إحتلال أفغانستان والعراق وفلسطين، شو بنقولو شاطر ... شاطر، وإللي بنظر ليل نهار للشرق الأوسط الجديد والكبير، شو بنقولو، شاطر ... شاطر ... وإللي بيقول إسرائيل دولة محبة وسلام وديمقراطية ورفاهية، شو بنقولو شاطر ... شاطر ... وإللي بساهم وبدعم وبأييد التطبيع مع إسرائيل شو بنقولو شاطر ...... شاطر ... وإللي بتنازل عن حق العودة وبدعم توطين اللاجئين الفلسطينين، شو بنقولوا شاطر... شاطر .. ، وإللي بينهب وبيسرق وببيع شعبه ، شو بنقولو شاطر ... شاطر ... وإللي بيقول عن " بلير " أنه رجل سلام وشجاع، شو بنقولو شاطر .... شاطر ... ، وإللي بعدل وبلغي مناهجة وحتى قرآنه من أجل " السلام " شو بنقولو شاطر ... شاطر .. ، وإللي بنادي بالثورة والمقاومة، شو بنقولو " إرهابي " وشاطب .. شاطب وعمرك ما حتبقى شاطر، وإللي بنادي بمحاربة ومقاومة أمريكيا وإسرائيل، شو بنقولو أحلامك وردية وشيطانية وعمرك ما حتبقى شاطر، وإللي بسمع كلام سماحة الشيخ حسن نصرالله وإللي مثلوه شو بنقولو شاطب ... شاطب وداعم ومؤيد " للإرهاب " وعمرك ما حتبقى شاطر، وإللي بدعو الشعب الفلسطيني للصمود والمقاومة وعدم التنازل عن حقوقة، شو بنقولو مزايد ومغامر ومش واقعي وعمرك ما حتبقى شاطر،وإللي بنادي بالوحدة والقومية العربية، شو بنقولو، شاطب ... شاطب، وإللي بدعو للحوار الداخلي الفلسطيني ، قبل الحوار مع إسرائيل، شو بنقولو، شاطب .. شاطب، وإللي بدعو فتح وحماس للحوارونبذ الإقتتال، وقف المزايدات والمهاترات، شو بنقولو شاطب ... شاطب، وإللي بدعو لوقف التطبيع وسحب السفراء الإسرائيليين، شو بنقولو، شاطب ... شاطب ،وإللي بدعو لإستخدام النفط في المعركة، شو بنقولو،النفط للتنمية ومش للعقوبات، وإنت شاطب... شاطب، وإللي بدعو لتغير حكومة السنيورة في لبنان، شو بنقولو، مش ديمقراطي وطائفي ومذهبي، وشاطب ... شاطب، وإللي بدعو لحكومة شراكة وطنية في لبنان، وحل الأزمة اللبنانية سلمياً وديمقراطياً، شو بنقولو،إلعب غيرها، وإنت واحد شاطب ... شاطب، وإللي بيقول إنه حزب الله حقق نصر إستراتيجي وتاريخي على إسرائيل، وهزم الجيش الذي لا يقهر، شو بنقولو، إنته دمرت لبنان وخربته، وإنته واحد شاطب...شاطب، وإللي بيقول إنه أمريكيا عدوة الشعوب، وبدها تنشر الفوضى الخلاقة في كل الوطن العربي، وبدها تستولي على ثروتنا وتعيق تطورنا وتنهب خيراتنا، شو بنقولو، إنته واحد شيوعي على قومجي على إخوانجي، وإنته واحد شاطب ...شاطب،وإللي بدوه يحسب نفسه رحمة الشهيد صدام حسين، ويتحدى أمريكيا، شو بنقولو، أمريكيا ما بتتعاند وإحنا ما بدنا نحارب، ولازم نستجديها ونستعطفها ونحطها فوق رووسنا،وما بدنا مغامرين وشاطبين، وإللي ما بشارك من العرب في حصار وتجويع الشعب الفلسطيني، وإللي ما بسمع كلمة أمريكيا وإسرائيل،شو بنقولو، إنته مش من أمتنا، وما بدنا عرب يتربوا على المقاومة والتمرد والجميع لازم يكونوا خالعين ومأدبين قدام العزيزة "رايس " ومش رح نسمح لأي كان يتصرف تصرفات شاطبين،وإللي بدعو لنصرة الأقصى والفلسطينيين، شو بنقولو، بكفينا مزايدات وشعارات وما بدنا شاطبين، الفلسطينيين سبب مآسي وبلاوي أمتنا، ولازم نترك الإسرائيليين يؤدبوهم ويعلموهم كيف يبقوا ساكتين ومحترمين، وإللي بدعو لمحاربة ومحاسبة الفساد والمفسدين، والقائمين على الفلتان الأمني من رأس الهرم وقيادات الأجهزة الأمنية الفلسطينية، شو بنقولو، دير بالك على حالك، والأجهزة وقياداتها عمرك ما جيب سيرتها ولا إنته بتعرف مصيرك، يا معلق في الزنازين، أو على شواهد القبور، لأنه إحنا وظيفتنا نجعل المواطن، يبقى محتار وما يعرف ليله من النهار، وإللي بده يجعلنا نعيش على الزيت والزعتر،شو بنقولو، إحنا تربينا على آلالاف والملايين،والشحدات من الغربيين، وما بدنا شعارات ولا مزايدين ولا شاطبين، وإللي بيقول الدعم والمساعدات الغربية ،إلها أجندات وأهداف سياسية وإقتصادية، شو بنقولو، إنته غاوي فقر وشاطب، وناوي تخرب علاقاتنا بالأوروبيين، وإللي بحكي عن فساد ومزارع ما يسمى بالمنظمات غير الحكومية، ودورها في تخريب البلد والمناضلين، شو بنقولو، إنته واحد مزايد ومش عايش في القرن الواحد والعشرين، وإللي بيقول السلطة ما بدها القدس، وبتلعب دور مكمل للإحتلال في تطفيش المقدسيين، شو بنقولو، إنته واحد مش مأدب وما بتفهم لا في التكتيك ولا في الحلول النهائية، والقدس إحنا حطين إلها خطة، بعد ما تتهود وتتأسرل كيف نرجعها من الإسرائيليين.وفي النهاية كله شاطر ... شاطر، فهلوية ودجل وسمسرة وفساد ومفسدين، وغير هيك كله شاطب .. شاطب مناضلين ومقاومين ومعارضين .

#راسم_عبيدات (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات