روضة....دارميات الليل

ذياب مهدي محسن

الحوار المتمدن-العدد: 1999 - 2007 / 8 / 6 - 11:08
المحور: الادب والفن
    

والليل أذا سجا......الليل يا..........يعذبني
الليل عشاق يتناغمون ويتناجون ويتغزلون للقمربحب وهوس وقهر
الليل يعني أمل لسجين ثوري عاشق للفجر
الليل تحت غطاء الازواج والاحباب لذة المشتاق وطعم الليالي الاحمراء......وفيه للخفافيش صيد سمين والبوم ينعق واللصوص مع الحراس متفقين فتلد النساء اطفالا يبكون من الحياة
الليل ينام الناس والعشاق سكارى في حاناتهم ولوعتهم
الليل روضة دانة لمحارة الخليج تضيئ من فرط الحب وتنتظرمن بعيد
الليل مابين مومسات شبقات يغتسلن قبيل الفجر ليذهبن للصلاة وصبية ترسم بساقيها في خلوة فراش الحبيب علامة النصر وترفع السماء بقدميها حيث تسقى زهرتها بندى الحبيب
الليل يعلق الثوار فكرتهم منشورا على جدران الناس لعلهم يهتدون
الليل كتابة على شغاف القلب أغنية قرمزية للفجر الجديد
في الليل يموت انسان ويولد آخر
والليل دارمي عراقي يغنى كحياة لأهلنا في عراقنا العظيم
الليل ياروضة العشاق يعذبني ....وانتظرك على أبواب الدنيا تشرقين
****************************
مانمت ربع الليل نشدوا المخده
وآنه حلمت بهواي خدي على خده
***
بالحلم شفتك طيف كحلت العيون
نايم وافكر بيك من أغفه أشلون
***
ليل وكمر محلاه عالمتن زلفه
يانسمه بوسي اهواي وخذيلي رشفه
***
على الصوره اضل سهران وبذكره اغفه
يرحل يروح ابعيد ولو حدي اصفه
***
يكثر ونين الروح من يجبل الليل
مل مني سابع جار وتعمد أيشيل
***
صافن واريد النوب كون اغفه وانساك
تاليه صوره وصوت بالحلم الكاك
***
مايمر ليل ويوم وذكرك عليّ فات
طيفك يسر الروح ساعاته حلوات
***
خلي الليالي اجور بانكس فعله
كل ما تسوي وياي متوطن آله
***
ابجي بتوالي الليل بس ابجي بهداي
والفجر لوله اعيون جا دمع وياي
***
اشكد طويل الليل بالآه احسه
مثل العليل اكضيه حسبه على حسبه
***
اسأل نجوم الليل عنك تجاوب
والكلب سال سلاح يمكن يحارب
***
هاروحي نص الليل هاشو كعدتي
حكج مالوم عليج لنج ذكرتي
***
روحي بتوالي الليل تنشدني عنك
كتله راح انساه كالتلي فنك
***
مل مني حتى الليل والكمر شاهد
بس بيك افكر دوم للفجر كاعد
***
ياكمر تالي الليل سمعني الاخبار
نايم حبيب الروح لو مثلي محتار
***
ليل وشته وبردان ماتدري حكك
مادفه حتى بنار أدفه بشبكتك
***
صح من انام الليل وتغمض اعيون
بس الكلب والروح بيكم يفكرون
***
سبحان من خلاك تنطيني ظهرك
موجنت نص الليل صدري على صدرك
***
عيوني تبجي عليك لادم ولا ماي
تبجي سواد الليل بس يرجع هواي
***
انهجم بيت الليل اشطوله بجفاك
شو يمر مثل الطيف من اكعد وياك
***
اكره قطار الليل كل مشيه صايح
ماخذ احباب الروح للبصره رايح
***
عونه الينام الليل خالي من الهموم
يطرن عليّ حسبات وي لذة النوم
***
اتمنه نجمة ليل وانزل على غطاك
وبحجة البردان وتلفلف وياك
***
بالك تكول احاه من دهرك احاه
جم ليله بيهه ايوب نام عله بلواه
***
ليش اليحب سهران طول الليالي
كلبه يظل حيران لجل الغوالي
***
النجف بلياك ماتسوه كلشي.......؟؟؟
تضوي بسواد الليل من بيه تمشي ....؟؟؟
***
اسمع بنص الليل حس واحد يصيح
كلما افزن ليه لن دمعتي تطيح
***
اكطع واجيك ابليل وتعاتب وياك
ملهوفه كلش حيل روحي على ملكاك
***
الدهر بس وياي سواهه كلش
اكعد بنص الليل وبراسي املش
***
فركلبي نص الليل سواهه هوسه
منك حبيب الروح رايدله بوسه
***
معاتبي ويه الليل ومنادمي وياه
كلب النساني شلون هم اكدر انساه
***
مثل الكمر والليل أني وحبيبي
حبه سكن بالروح دمر كليبي
**************************************
حي السعد / ملبورن المحروسة

#ذياب_مهدي_محسن (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات